ជនជាតិចិនសង្កេតឃើញឡូហ្គោ Huawei លើថ្ងាស "Mulan”

2019-07-10 06:46:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែភាពយន្ត "Mulan” ប្រភេទគំនូរជីវចលបានចេញផ្សាយកាលពីឆ្នាំ ១៩៩៨ ដែលពេលនោះមិនមានអ្នកគាំទ្រជនជាតិចិនច្រើនប៉ុន្មាននោះទេ។ ក៏ដោយសារភាពយន្តនេះបង្ហាញអំពីវប្បធម៌ចិនមិនបានត្រឹមត្រូវ ហើយមុខមាត់របស់ Mulan មិនទាន់សក្ដិសមជាជនជាតិចិនពេញលេញនោះទេ។

ជាមួយការបញ្ចេញវីដេអូខ្លីដំបូងនៃភាពយន្ត "Mulan” ប្រភេទ live-action បានធ្វើឲ្យជនជាតិចិនជាច្រើនបង្ហាញអារម្មណ៍រំភើបចិត្តខ្លាំង សម្រាប់តួអង្គ Mulan ដែលសម្ដែងដោយតារាស្រីល្បីរបស់ចិន Liu Yifei។ ក្រោយពី Trailer បានបង្ហាញ ភាពយន្តថ្មីនេះបានក្លាយជាប្រធានបទពេញនិយមលើវបណ្ដាញសង្គមចិន Weibo និង Zhihu ដែលអ្នកប្រើប្រាស់ភាគច្រើនជជែកអំពីអារម្មណ៍ចំពោះ Trailer។

ចំណុចមួយដែលគេចាប់អារម្មណ៍បំផុតគឺត្រង់ការផាត់មុខរបស់ Mulan នៅពេលមេអណ្ដើកប្រាប់នាងអំពីបុគ្គលិកលក្ខណៈរបស់ភរិយាល្អមួយរូប។ ការផាត់មុខគឺមានគូសសញ្ញានៅលើថ្ងាសរបស់ស្ត្រី ដែលគេជឿជាក់ថាជាការពេញនិយមមួយអំឡុងការបែងចែកជានគរខាងជើង និងខាងត្បូង (នៃគ្រិស្តសករាជ ៣៨៦ ដល់ ៥៨៩) ពេលរឿងនិទាន Mulan បង្ហាញមុខក្នុងកំណាព្យមួយនៅចិន។

ជាជាងការនឹកដល់ប្រវត្តិសាស្ត្រចិននោះ មហាជនមួយចំនួនមានការគិតផ្សេងពេលឃើញការតុបតែងមុខរបស់ Mulan។ មួយចំនួនបានយល់ឃើញថាសញ្ញាផ្កាពណ៌ក្រហមលើថ្ងាសរបស់ Mulan គឺស្រដៀងគ្នាខ្លាំងនឹងឡូហ្គោរបស់ក្រុមហ៊ុនយក្ស Huawei។ ចំណុចនេះនាំឲ្យមានការបញ្ចេញមតិកំប្លែងមួយចំនួន និងខ្លះបាននិយាយថា Liu Yifei មិនភ្លេចរឿងគាំទ្រ Huawei នោះទេ ទោះបីសម្ដែងជា Mulan ក្ដី។

រឹតតែចៃដន្យនោះគឺឃ្លាដែល Mulan និយាយក្នុង Trailer បានធ្វើឲ្យរឿងនេះរឹតតែគួរឲ្យចាប់អារម្មណ៍ ៖ "I will bring honor to us all”។ អ្នកគាំទ្រគិតដល់ម៉ាកសញ្ញា Honor ដែលម៉ាកស្មាតហ្វូនមួយបង្កើតឡើង Huawei។