២៤ កក្កដា ១៩៦៩៖ អ្នកជាន់ដីភពព្រះចន្ទមុនគេ បានវិលមកផែនដីដោយសុវត្ថិភាព (មានវីដេអូ)

2019-07-24 03:29:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី២៤ ខែកក្កដា ឆ្នាំ១៩៦៩ អ្នកអវកាសនៃបេសកកម្មអាប៉ូឡូទី១១ ដែលទៅជាន់ដីភពព្រះចន្ទដំបូងគេ រួមមាន Neil Armstrong, Buzz Aldrin បានមកដល់ផែនដីវិញដោយសុវត្ថិភាព នៅម៉ោង ១២:៥០នាទី។

រូបថត៖ អង្គការណាសា

យានរបស់ពួកគេបានចុះចតក្នុងមហាសមុទ្រប៉ាស៊ីហ្វិក ដែលស្ថិតនៅចម្ងាយជាង ១៤០០គីឡូម៉ែត្រពីកោះហាវ៉ៃ។ អ្នកទាំង៣ ត្រូវបានស្ទូចឡើងដោយឧទ្ធម្ភាគចក្រមួយគ្រឿង ដែលមកពីនាវា USS Hornet នៅចម្ងាយពីគ្នាប្រមាណ ២៤គីឡូម៉ែត្រ។ នៅលើនាវានេះ អវកាសយានិកទាំង៣ ត្រូវបានទទួលស្វាគមន៍ដោយប្រធានាធិបតីអាមេរិក លោក រីឆាត និចសុន។

រូបថត៖ អង្គការណាសា

សូមជម្រាបថា ក្នុងបេសកកម្មអាប៉ូឡូទី១១ អ្នកអវកាសទាំង៣ ត្រូវបានបាញ់បង្ហោះទៅភពព្រះចន្ទតាមរយៈគ្រាប់រ៉ុកកែត Saturn V នៅមជ្ឈមណ្ឌលអវកាសកេនីឌី កាលពីថ្ងៃទី១៦ ខែកក្កដា ឆ្នាំ១៩៦៩។ យានិកបានទៅដល់គន្លងភពព្រះចន្ទនៅថ្ងៃទី១៩ ខែកក្កដា ហើយបានចុះចតលើផ្ទៃដីភពនៅថ្ងៃទី២០ ខែកក្កដា ក្នុងនោះ Neil Armstron បានចេញពីយានហើយជាន់ដីភពព្រះចន្ទដំបូងគេបង្អស់ក្នុងប្រវត្តិសាស្រ្តមនុស្សជាតិ៕

ចុចអានបន្ថែម៖ វីដេអូបង្ហាញពីការបាញ់បង្ហោះយានអាប៉ូឡូទី១១ ទៅឋានព្រះចន្ទ និងជាន់ដីភពនេះ កាលពី៥០ឆ្នាំមុន

សូមទស្សនាវីដេអូ៖