មូលហេតុពិតដែលស្មាតហ្វូន Note 10 គ្មានរន្ធដោតកាស

2019-08-08 02:09:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្មាតហ្វូនត្រកូល Note ជំនាន់ចុងក្រោយបង្អស់របស់ក្រុមហ៊ុន Samsung បានប្រកាសចេញរូបរាងផ្លូវការហើយ ប៉ុន្តែគេសង្កេតឃើញថា ក្រុមហ៊ុនបានបំបាត់រន្ធដោតកាសចោលលែងឲ្យមាន។

ចំពោះហេតុផលសមរម្យដែលក្រុមហ៊ុនបានបង្ហើបឲ្យដឹងថា មកពីការគិតគូរដល់ផលចំណេញបន្ថែមទំហំថាមពលថ្ម ដោយការរចនាទំហំថ្មធំលើសមុន ១០០ មីលីអំពែម៉ោង ពោលគឺ Note 10 ថ្មឡើងដល់ ៣៤០០ លីអំពែម៉ោង រីឯ Note 10+ ទំហំ ៤២០០ លីអំពែម៉ោង ចឹងហើយទើបមិនសល់ចន្លោះសម្រាប់កន្លែងរន្ធកាស ៣,៥ mm ទៀតនោះទេ ។

រូប Note 10 គ្មានរន្ធកាស

មួយវិញទៀត ការសម្រេចចិត្តដកចេញក៏ព្រោះតែចង់ឲ្យស្មាតហ្វូនត្រកូល Note ថ្មីនេះអាចដំណើការបានរលូនជាមួយនឹងប្រព័ន្ធរំញ័រ (Haptic Vibration System)។ ប្រសិនបើគ្មានរន្ធដោតកាស វាធ្វើឲ្យទូរសព្ទអាចមានកម្រាសស្ដើងជាងមុន ព្រមជាមួយការបំបាត់ប៊ូតុង Bixby ដែលមិនសូវមានផលចំណេញអ្វីសោះ។

ទោះជាការបកស្រាយមិនទាន់ឲ្យត្រូវចិត្ត ១០០% ប៉ុន្តែដល់ដំណាក់កាលដែលស្មាតហ្វូន Note ត្រូវប្តូររូបរាងហើយ ដើម្បីទាក់ទាញអតិថិជនដូចជា ខាងមុខប្លែក និងបង្កើនសមត្ថភាពផ្សេងៗជាពិសេសគឺ ផ្នែកខាងកាមេរ៉ាផ្ទាល់តែម្ដង ដែលក្រុមហ៊ុនដាក់ដល់ទៅ ៣ គ្រាប់ឯណោះ ព្រមជាមួយនឹងតួនាទីលើឡេននីមួយៗ ត្រូវចិត្តអ្នកនិយមថតរូបទាំងកញ្ចប់តែម្តង។

ទោះពុំមានការបញ្ជាក់ជុំវិញអនាគតរបស់ត្រកូល S ឆ្នាំ ២០២០ ប៉ុន្តែត្រឹមតម្រុយប៉ុណ្ណេះ អាចទស្សន៍ទាយបានហើយថា Galaxy S11 ក៏នឹងត្រូវដកចោលរន្ធដោតកាសដូចគ្នា ហើយជំនួសដោយការប្រើប្រាស់កាសឥតខ្សែ Galaxy Buds ឬអភិវឌ្ឍដោយស្លាកយីហោ AKG ជំនាន់ណាមួយជំនួសវិញ៕

អត្ថបទទាក់ទង៖

ប្រភព៖ The Verge ប្រែសម្រួល៖ រក្សា