Facebook សារភាពថាលួចស្ដាប់ការសន្ទនារបស់អ្នកប្រើប្រាស់

2019-08-14 03:30:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះ Facebook បានសារភាពថា ខ្លួនពិតជាលួចស្ដាប់សន្ទនារបស់អ្នកប្រើប្រាស់ទាំង call និង voice message ដើម្បីជួយពង្រឹងទៅលើប្រព័ន្ធ AI របស់ខ្លួន។

Bloomberg បានបង្ហើបថា Facebook បានជះលុយឲ្យអ្នកសហការរបស់ខ្លួន ដែលពុំទាន់ដឹងថាជាអ្នកណា ដើម្បីបកពីសំឡេងមកជាអក្សរ។

Facebook បានសារភាពត្រង់ៗថាខ្លួនពិតជាធ្លាប់ស្តាប់សំឡេងរបស់អ្នកប្រើប្រាស់ពិតមែន ប៉ុន្តែនៅពេលនេះគេបានបញ្ឈប់សកម្មភាពនេះហើយ។ Facebook បានបន្តថា ការបកប្រែសំឡេងនេះគឺចង់ធើ្វតេស្ដថា AI របស់ខ្លួនអាចបកប្រែពីសំឡេងមកជាអក្សរបានត្រឹមត្រូវឬអត់ និងធ្វើការកែលំអទៅលើមុខងារ Voice-to-text របស់ខ្លួន ដែលមុខងារនេះអាចឲ្យអ្នកប្រើបញ្ជា Messenger ឲ្យសរសេរជាអក្សរ តាមរយៈសំឡេងដែលបាននិយាយ។

មិនត្រឹមតែ Facebook តែមួយទេ ក្រុមហ៊ុនដូចជា Apple, Amazon, និង Google ក៏ធ្លាប់ប្រើវិធីសាស្ត្រលួចស្តាប់ឬយកសំឡេងអ្នកប្រើប្រាស់ឲ្យអ្នកដទៃស្តាប់ ដើម្បីរកវិធីពង្រឹង AI ខ្លួនផងដែរ។ នៅខែមេសាឆ្នាំនេះ Amazon ជាក្រុមហ៊ុនដំបូងដែលបានគេរកឃើញថា បានជួលបុគ្គលិករាប់ពាន់នាក់នៅជុំវិញពិភពលោកដើម្បីស្តាប់ការសន្ទនារបស់អ្នកប្រើប្រាស់ទូទៅតាម Alexa speaker របស់ខ្លួន។ បន្ទាប់មកក្រុមហ៊ុន Apple និង Google ក៏គេចាប់បានថាធ្វើដូចនេះដែរ។