ទូតជប៉ុន និងទូតអឺរ៉ុប ផ្ញើសារជូនពរសិស្សប្រឡងបាក់ឌុប

2019-08-17 02:57:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខណៈការប្រឡងសញ្ញាបត្រមធ្យមសិក្សាទុតិយភូមិនឹងធ្វើឡើងនៅថ្ងៃទី១៩ និង ២០ ខែសីហា ឆ្នាំ២០១៩ខាងមុខនេះ ស្ថានទូតជប៉ុន និងស្ថានទូតសហភាពអឺរ៉ុបប្រចាំនៅកម្ពុជា បានផ្ញើសារជូនពរតាមរយៈទំព័រហ្វេសប៊ុក ទៅដល់សិស្សដែលត្រូវប្រឡងទាំងអស់គ្នា។

ស្ថានទូតជប៉ុន បានសរសេរយ៉ាងដូច្នេះថា៖ «ជម្រាបសួរក្មួយៗសិស្សវិទ្យាល័យថ្នាក់ទី១២! ក្មួយៗ នឹងប្រឡងសញ្ញាបត្រមធ្យមសិក្សាទុតិយភូមិចាប់ពីថ្ងៃទី១៩ ដល់២០ ខែសីហានេះ។ ខ្ញុំសូមជូនពរក្មួយៗជាទំពាំងស្នងឬស្សីកម្ពុជាទទួលបានលទ្ធផលល្អគ្រប់ៗគ្នា»។

ចំណែកស្ថានទូតសហភាពអឺរ៉ុប បានសរសេរថា៖ «នៅសល់ត្រឹមតែ២ថ្ងៃទៀតទេ សិស្សានុសិស្សថ្នាក់ទី ១២ នឹងត្រូវចាប់ផ្ដើមការប្រលងសញ្ញាបត្រមធ្យមសិក្សាទុតិយភូមិរបស់ខ្លួន។ យើងសង្ឃឹមថា ទាំងអស់គ្នាបានត្រៀមខ្លួនរួចជាស្រេច និងមានភាពជឿជាក់លើសមត្ថភាពរបស់ខ្លួន!។ ក្នុងនាមជាដៃគូយ៉ាងជិតស្និទ្ធជាមួយ ក្រសួងអប់រំ យុវជន និង កីឡា សហភាពអឺរ៉ុប សូមជូនពរដល់សិស្សានុសិស្សទាំងអស់ ឱ្យទទួលបានជោគជ័យក្នុងការប្រឡងរបស់ខ្លួន!»៕