មេ Huawei ដាក់វិធានការ ២ចំណុច ត្រៀមប្រយុទ្ធក្នុងសមរភូមិក្តៅ

2019-08-21 07:11:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថាបនិកក្រុមហ៊ុន Huawei លោក Ren Zhengfei បានចាត់ទុកស្ថានភាពរបស់ក្រុមហ៊ុនពេលនេះថាជា «សមរភូមិ» មួយ ដែលកំពុងស្ថិតក្នុងដំណាក់កាលស្លាប់រស់ ដោយលោកបានដាក់ចេញវិធានការ២ចំណុច។

តាមរយៈសារ (Memo) ផ្ញើទៅកាន់បុគ្គលិកក្រុមហ៊ុន លោក Ren បញ្ជាក់ដូច្នេះថា៖ «ឥឡូវក្រុមហ៊ុនយើងគឺស្ថិតក្នុងពេលស្លាប់រស់ហើយ។ អាទិភាពទី១របស់យើងគឺលើកទឹកចិត្តដល់បុគ្គលិកទាំងអស់ឱ្យចូលរួមចំណែកក្នុងការជួយដល់ក្រុមហ៊ុន ហើយទី២ គឺជ្រើសរើស និងលើកកម្ពស់អ្នកមានទេពកោសល្យ ដើម្បីបន្ថែមឈាមថ្មី ទៅក្នុងប្រព័ន្ធរបស់យើង»។ លោកថា ឈាមថ្មី នឹងមានក្នុងក្រុមហ៊ុន រយៈពេល ៣ ទៅ ៥ឆ្នាំខាងមុខ។

នាយកប្រតិបត្តិរូបនេះ ក៏បានបង្ហាញពីផែនការកាត់បន្ថយបុគ្គលិកដែលមានចំនួនច្រើនលើសកំណត់ កាត់បន្ថយការងារជាន់គ្នា និងរុះរើគណៈគ្រប់គ្រងឱ្យទៅកាន់តំណែងផ្សេងៗតាមតម្រូវការ។ ជាមួយគ្នានេះ លោកក៏ជំរុញឱ្យបុគ្គលិកយកចិត្តទុកដាក់ចំពោះការចុះកុងត្រាជាមួយអតិថិជន ដើម្បីធានាដល់ចំណូលរបស់ក្រុមហ៊ុនទាន់ពេល ចៀសវាងទទួលរងបញ្ហាលំហូរសាច់ប្រាក់។

លោក Ren បន្ថែមថា Huawei ក៏នឹងជំរុញការទិញឧបករណ៍សំខាន់ៗ ដើម្បីបំពេញតាមតម្រូវការអ្នកប្រើប្រាស់ផងដែរ៕

ប្រភព៖ CNBC ប្រែសម្រួល៖ សំរិទ្ធ កុម្ភៈ