រឿងពិតប្រាំមួយយ៉ាងគួរដឹងពីព្រៃអាម៉ាហ្សូន

2019-08-23 06:59:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រៃអាម៉ាហ្សូន(Amazon)ត្រូវបានគេចាត់ទុកថាជាព្រៃត្រូពិកធំជាងគេនៅលើពិភពលោក និងជាសួតនៃភពផែនដី។ ព្រៃនេះកំពុងត្រូវភ្លើងឆាបឆេះអស់ជាច្រើនថ្ងៃមកហើយនៅក្នុងប្រទេសប្រេស៊ីល។

(ព្រៃអាម៉ាហ្សូនកំពុងត្រូវភ្លើងឆេះ)

ខាងក្រោមនេះជាការពិតមួយចំនួនដែលយើងគួរដឹងពីព្រៃអាម៉ាហ្សូនមួយនេះ៖ [Amazon facts](https://www.natgeokids.com/uk/discover/geography/physical-geography/amazon-facts/)

១. ព្រៃអាម៉ាហ្សូនជាព្រៃត្រូពិកធំជាងគេបំផុតនៅលើពិភពលោកមានផ្ទៃដី៥,៥លានគីឡូម៉ែត្រការ៉េ។

២. ព្រៃអាម៉ាហ្សូនលាតសន្ធឹងនៅលើផ្ទៃដីប្រទេសប្រេស៊ីល បូលីវី ប៉េរ៉ូ អេក្វាឌ័រ កូឡំប៊ី វេណេសុយអេឡា Guyana, Suriname និងFrench Guiana។

៣. ទន្លេអាម៉ាហ្សូន ជាបណ្ដាញនៃផ្លូវទឹករាប់ពាន់ ដែលមានប្រវែងសរុប៦ ៨៤០គីឡូម៉ែត្រ ខណៈអ្នកវិទ្យាសាស្រ្តខ្លះថាទន្លេនេះជាទន្លេវែងជាងគេទី២នៅលើពិភពលោកបន្ទាប់ពីទន្លេនីល។

៤. ចំនួនជនជាតិដើមភាគតិចAmerindianមានពី៤០០ទៅ៥០០កុលសម្ព័ន្ធ ហើយអ្នកទាំងនេះបានហៅព្រៃអាម៉ាហ្សូនថាជាផ្ទះ(Rainforest home)។ ក្នុងចំណោមកុលសម្ព័ន្ធទាំងនោះមានប្រហែលជា៥០ត្រូវគេជឿថាមិនដែលមានទំនាក់ទំនងជាមួយមនុស្សខាងក្រៅ។

៥. ព្រៃអាម៉ាហ្សូនមានរុក្ខជាតិ៤០ ០០០ប្រភេទ បក្សី១ ៣០០ប្រភេទ ត្រី៣ ០០០ប្រភេទ សត្វចិញ្ចឹមកូនដោយទឹកដោះ៤៣០ប្រភេទ និងមានសត្វល្អិតជាង២,៥លានប្រភេទផ្សេងទៀត។

៦. ព្រៃអាម៉ាហ្សូន ជាព្រៃដ៏ស្រស់ស្អាត មានពេលខ្លះគេចាត់ទុកថាវាជាសួតនៃផែនដី។ ព្រៃអាម៉ាហ្សូនបានរួមចំណែកបញ្ចេញអុកស៊ីហ្សែន២០ភាគរយនៃអុកស៊ីហ្សែនមានលើផែនដីសរុប៕

អត្ថបទ៖ ទូច សុខា