PSG ទារ Barca ១០០លានអឺរ៉ូ សុំថែមកីឡាករខ្លាំង២នាក់នេះទៀត ទើបយក Neymar បាន

2019-08-27 03:03:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹប Paris Saint-Germain បានចេញមកដាក់លក្ខខណ្ឌវិញម្ដងទៅកាន់ Barcelona ចំពោះការចង់បាន Neymar យកត្រលប់ទៅកាន់ទឹកដីប្រទេសអេស្ប៉ាញ។

ផ្អែកតាមកាសែតបារាំង Le Parisien ឲ្យដឹងថា PSG បានដាក់សំណើតបត្រលប់ទៅក្លឹប Barca វិញ ដោយពួកគេចង់បានប្រាក់១០០លានអឺរ៉ូ បូកជាមួយកីឡាករខ្លាំងពីររូបគឺ Nelson Semedo និង Ousmane Dembele ប្រសិនចង់បាន Neymar។

ក្លឹបទាំងពីរនឹងណាត់ជួបគ្នាម្ដងទៀតនៅថ្ងៃអង្គារនេះ ដើម្បីរកផ្លូវដែលល្អមួយ។ Barcelona នឹងឆ្លើយតបចំពោះសំណើរបស់ PSG ក្នុងពេលឆាប់ៗ ខណៈ Real Madrid កំពុងរងចាំមើលរឿងនេះ។ កន្លងទៅ Barca ធ្លាប់ប្រាប់ទៅខាង PSG ថា ពួកគេចង់ខ្ចីជើង Neymar មួយរដូវកាលសិន ជាមួយលក្ខខណ្ឌទិញផ្ដាច់១៧០លានអឺរ៉ូនៅឆ្នាំក្រោយ។

PSG បានកំណត់តម្លៃខ្លួនរបស់កីឡាករសញ្ជាតិប្រេស៊ីលខាងលើពីចន្លោះ២៥០ទៅ៣០០លានអឺរ៉ូ ហើយគេជឿជាក់ថាតម្លៃខ្លួនរបស់ Semedo និងDembele បូកចូលគ្នាបានពីចន្លោះ១៥០ទៅ២០០លានអឺរ៉ូ៕

ប្រភព៖ Marca ប្រែសម្រួល៖ ហេង សុធារិទ្ធិ