រកឃើញក្រុមខ្លាំងបំផុតទាំង ៤ចុងក្រោយ ប្រចាំពាន Hun Sen Cup 2019

2019-08-29 02:07:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពានរង្វាន់សម្ដេចហ៊ុន សែន ឬ Hun Sen Cup ឆ្នាំ២០១៩ បានរកឃើញក្រុមទាំង ៤ ចុងក្រោយ ដែលត្រូវឡើងទៅតតាំងគ្នានៅវគ្គពាក់កណ្ដាលផ្ដាច់ព្រ័ត្រហើយ ក្រោយបញ្ចប់ជើងទី២ នៃវគ្គ ៨ក្រុមចុងក្រោយ កាលពីថ្ងៃថ្ងៃពុធ ទី២៨ ខែសីហាម្សិលមិញនេះ។

ក្រុមខ្លាំងទាំង ៤ នោះ មានដូចខាងក្រោម៖

១. ភ្នំពេញក្រោន (ឈ្នះក្រសួងការពារជាតិ)

ភ្នំពេញក្រោន ជាក្រុមតែ ១គត់ ក្នុងចំណោមក្រុមទាំង៤ ចុងក្រោយ ដែលបានឡើង ក្រោយចាញ់ជើងទី១ ខណៈក្រុម ៣ ផ្សេងទៀត សុទ្ធតែនាំមុខកាលពីជើងទី១។

កាលពីជើងទី១ ភ្នំពេញក្រោន ត្រូវក្រុមម្ចាស់ផ្ទះក្រសួងការពារជាតិ យកឈ្នះ ១-០ ប៉ុន្តែនៅជើងទី២ ក្នុងទឹកដី Smart RSN របស់ខ្លួនវិញ ភ្នំពេញក្រោន បានយកឈ្នះ ២-១ ធ្វើឲ្យលទ្ធផលសរុបទាំង២ ជើង ស្មើគ្នា ២-២។ ឈានដល់វគ្គប៉េណាល់ទីកាត់សេចក្ដី ភ្នំពេញក្រោន យកឈ្នះក្រុមការពារតំណែងជើងឯកចាស់ ដោយលទ្ធផល ៥-៤។

២. ព្រះខ័នរាជស្វាយរៀង (ឈ្នះអង្គរថាយហ្គឺរ)

ព្រះខ័នរាជស្វាយរៀង ដែលជាក្រុមជោគជ័យជាងគេក្នុងពានរង្វាន់នេះ បានបំបាក់អង្គរថាយហ្គឺរ ដោយលទ្ធផលសរុបទាំង ២ ជើង ៦-០។ កាលពីជើងទី១ នៅកីឡដ្ឋានស្វាយធំ ខេត្តសៀមរាប ក្រុមរបស់លោក Conor Nestor បានឈ្នះ ០-២ មុនបន្ថែម ៤គ្រាប់ទៀត នៅទឹកដីស្វាយរៀង កាលពីថ្ងៃពុធម្សិលមិញ។

(រូបភាព៖ ព្រះខ័នរាជស្វាយរៀង)

៣. បឹងកេត (ឈ្នះសូលទីឡូអង្គរ)

បឹងកេត បានឈ្នះសូលទីឡូអង្គរ ២-០ កាលពីជើងទី១ នៅកីឡដ្ឋាន Cambodia Airways របស់ខ្លួន ប៉ុន្តែបានចាញ់ ១-០ វិញ នៅទឹកដីខេត្តសៀមរាប នាជើងទី២។ យ៉ាងណាក្ដី បឹងកេត នៅតែអាចឡើងបន្ត ដោយលទ្ធផលសុរបទាំង ២ជើង ២-១។

(រូបភាព៖ បឹងកេត)

៤. វិសាខា (ឈ្នះគិរីវង់សុខសែនជ័យ)

ទោះជាមានអាយុក្មេងជាងគេ ប៉ុន្តែ វិសាខា ដែលជាក្រុមមានកីឡាករជាប់ជម្រើសជាតិច្រើនជាងគេនោះ នៅតែបង្ហាញភាពខ្លាំងរបស់ខ្លួន ដោយបានយកឈ្នះគីរីវង់សុខសែនជ័យ ដោយលទ្ធផលសរុបទាំង ២ ជើង ៥-២។ កាលពីជើងទី១ ក្នុងទឹកដីខ្លួនឯង ក្រុមនេះ បានយកឈ្នះ ៤-២ ខណៈជើងទី២ នៅទឹកដីខេត្តតាកែវ វិសាខា នៅតែអាចយកឈ្នះដដែល ដោយលទ្ធផល ១-០។