ផ្សែងពីភ្លើងឆេះព្រៃអាម៉ាហ្សូន បង្កឲ្យមានជំងឺដ៏ធ្ងន់ធ្ងរមួយកើនឡើង

2019-08-29 09:02:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្សែងពុលដែលបកមកពីភ្លើងឆេះព្រៃអាម៉ាហ្សូនបានមកគ្របដណ្ដប់ទីក្រុង Porto Velho នៃរដ្ឋ Rondônia ប្រទេសប្រេស៊ីល ធ្វើអ្នកមានការកើនឡើងជំងឺផ្លូវដង្ហើមកើនឡើងខុសពីរាល់ឆ្នាំ។

ក្នុង ៣ សប្ដាហ៍ដំបូងនៃខែសីហា ឆ្នាំ២០១៩ នេះមន្ទីរពេទ្យកុមារប្រចាំទីក្រុង Porto Velho បានទទួលយកកុមារ ៤០០ រូបដែលមានការពិបាកដកដង្ហើម ច្រើនជាង ៣ ដងនៃមធ្យមភាគធម្មតាបើតាមប្រភពមន្ត្រីជំនាញ។ នៅក្នុងរយៈពេលតែមួយនេះរដ្ឋ Acre បានរាយការណ៍ថាមានជំងឺផ្លូវដង្ហើមចំនួន ៤៧ ០០០ ករណី។ ការតម្រង់ជួរក្រៅមន្ទីរពេទ្យបានកើនឡើង ហើយមន្ត្រីសុខាភិបាលបាននិយាយថាពួកកំពុងខំប្រឹងរកបុគ្គលិកដើម្បីទប់ទល់នឹងការកើនឡើងនៃអ្នកជំងឺនេះ។

វេជ្ជបណ្ឌិតមួយចំនួនបាននិយាយថាកុមារ និងមនុស្សចាស់គឺងាយនឹងទទួលឥទ្ធិពលជាងគេ តែអ្នកណាក៏អាចទទួលផលប៉ះពាល់ពីផ្សែងនេះដែរ។ សារធាតុពុលទាំងនេះ គឺអាចរាំងស្ទះការដកដង្ហើម កាត់បន្ថយលំហូរអុកស៊ីសែន និងធ្វើឲ្យជំងឺរ៉ាំរ៉ៃ ដូចជាជំងឺ ហឺត កាន់តែធ្ងន់ធ្ងរជាងមុន។

សម្រាប់អ្នកដែលរស់នៅក្រោមខ្យល់ពីអគ្គីភ័យនេះ អាជ្ញាធរបានណែនាំឲ្យកាត់បន្ថយការចេញទៅក្រៅផ្ទះហើយបានឲ្យបិទបង្អួចឲ្យជិត៕

ប្រភព៖ Washingtonpost ប្រែសម្រួល៖ សុខ វេងឈាង