លោក មហាធៀ៖ បើអ្នកបំពានអំណាច ប្រជាជនមិនគាំទ្រអ្នកទៀតឡើយ

2019-09-02 08:31:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយករដ្ឋមន្រ្តីម៉ាឡេស៊ី លោក មហាធៀ មហាម៉ាត់ បានថ្លែងថា ក្នុងនាមជាអ្នកដឹកនាំរដ្ឋាភិបាលប្រទេសមួយ គឺអ្នកត្រូវតែគិតយកចិត្តទុកដាក់លើប្រជាជន ហើយបើអ្នកភ្លេចពួកគេ ហើយបំពានអំណាច នោះអ្នកនឹងមិនទទួលបានការគាំទ្រទៀតឡើយ។

រូបថតពីវីដេអូឡាយរបស់សាកលវិទ្យាល័យភូមិន្ទភ្នំពេញ

ឆ្លើយតបនឹងសំណួររបស់និស្សិតក្នុងកិច្ចសន្ទនាពិសេសស្តីអំពី «ការរក្សាតុល្យភាពទំនាក់ទំនងជាមួយប្រទេសមហាអំណាចនៅក្នុងបរិបទអាស៊ាន» នៅសាកលវិទ្យាល័យភូមិន្ទភ្នំពេញ នារសៀលថ្ងៃទី២ ខែកញ្ញា ឆ្នាំ២០១៩ លោកមហាធៀ បានពន្យល់យ៉ាងដូច្នេះថា៖ «**នៅពេលអ្នកក្លាយជាមេដឹកនាំរដ្ឋាភិបាលប្រទេសមួយ អ្នកត្រូវតែធ្វើការបម្រើប្រទេសនោះ។ ទាំងអស់នេះ គឺជាការបម្រើសេវាសាធារណៈ។ ក្នុងករណីប្រទេសម៉ាឡេស៊ី នៅពេលយើងក្លាយជាប្រទេសឯករាជ្យពីអង់គ្លេស យើងត្រូវគិតពីប្រជាជនរបស់យើង ថាតើពួកគេចង់បានអ្វី? ដូច្នេះរដ្ឋាភិបាល ត្រូវតែខិតខំធ្វើការយ៉ាងខ្លាំង ដើម្បីពង្រឹងសេដ្ឋកិច្ចប្រទេស កាត់បន្ថយភាពគ្មានការងារធ្វើ បង្កើតឧស្សាហកម្មថ្មីៗ។ នៅពេលដែលអ្នកធ្វើបានដូច្នេះ ប្រជាជននឹងនៅតែគាំទ្រអ្នក។ ប៉ុន្តែប្រសិនបើអ្នកភ្លេច ហើយបំពានអំណាចដែលអ្នកមាន មិនខ្វល់ពីប្រជាជន រដ្ឋាភិបាលនោះ នឹងមិនត្រូវបានអនុញ្ញាតឱ្យកាន់អំណាចទៀតឡើយ**»៕

អត្ថបទ៖ សំភី