ស្មាតហ្វូនថ្មីរបស់ Oukitel កាមេរ៉ាក្រោយ AI ៣ គ្រាប់ តែតម្លៃធូរថ្លៃខ្លាំង

2019-09-03 04:18:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្មាតហ្វូនម៉ូឌែលថ្មីគឺ Oukitel C17 Pro បានប្រកាសចេញលក់លើទីផ្សារហើយ ដោយរចនារូបរាងយ៉ាងទាក់ទាញ ព្រមជាមួយនឹងលក្ខណៈសម្បត្តិសុទ្ធខ្ពស់ៗទាំងសមត្ថភាពប្រើប្រាស់ទូទៅ ជាពិសេសតម្លៃធូរថ្លៃទៀតផង។

កាមេរ៉ាមុខ Oukitel C17 Pro

Oukitel C17 Pro មានទំហំអេក្រង់ ៦,៣៥ អ៊ិញរចនាជាប្រភេទស្មាតហ្វូន Blind Hole Full Display ស្រដៀងទៅនឹង Infinity-O របស់ Samsung (បង្កប់កាមេរ៉ាមុខដូចប្រជ្រុយ) ទំហំ ៥MP។

កាមេរ៉ាក្រោយ Oukitel C17 Pro

កាមេរ៉ាក្រោយបំពាក់បច្ចេកវិទ្យា AI កាមេរ៉ាមេទំហំ ១៣MP ប្រើសេនស័រផលិតដោយ SONY ។ កាមេរ៉ាទី ២ ទំហំ ៥MP (Ultra-Wide) + កាមេរ៉ា ៣ ទំហំ ២MP(Depth Sensing) ជំនួយដល់ការថតរូប Bokeh បានដាច់ស្អាតគួរសម។

ស្មាតហ្វូនចុងក្រោយរបស់ Oukitel មានថាមពលថ្ម ៣៩០០ មីលីអំពែម៉ោង(បើទុក Standby បាន៣០០ ម៉ោង, ស្តាប់ចម្រៀងសុទ្ធ ២៥ ម៉ោង, និយាយបាន ១៩, ៥ ម៉ោង, មើលវីដេអូអនឡាញ ៥ ម៉ោង និងលេងហ្គេមអាចរស់បាន ៤,៥ ម៉ោង) ប្រើឈីប MediaTek Helio P23 ល្បឿន 2GHz ប្រើ RAM 4GB មេម៉ូរី ៦៤GB មានរន្ធដោតមេម៉ូរីកាតថែមក្រៅ។

សម្រាប់តម្លៃលក់លើ Oukitel's official store page ចាប់ពីថ្ងៃទី ៩ ខែសីហាគឺ ១០០ ដុល្លារ(RAM 4GB, ROM 64GB) និងផុតពីថ្ងៃទី ១០ ទៅលក់តម្លៃធម្មតាវិញគឺ ១៣៩ ដុល្លារ៕

ប្រភព៖ PhoneArena ប្រែសម្រួល៖ រក្សា