អគ្គស្នងការ ដាក់បញ្ជាឱ្យបង្កើនកិច្ចការពារថ្វាយព្រះមហាក្សត្រ និងជូនថ្នាក់ដឹកនាំកំពូល អំឡុងភ្ជុំបិណ្ឌ

2019-09-06 04:04:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងពិធីបុណ្យកាន់បិណ្ឌ-បុណ្យភ្ជុំបិណ្ឌ ខាងមុខនេះ នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានដាក់ចេញបញ្ជាឱ្យចាត់វិធានការការពារយ៉ាងហ្មឺងម៉ាត់ គ្រប់គោលដៅប្រារព្ធពិធីបុណ្យ និងគោលដៅកម្សាន្តសប្បាយនានា ដូចជា៖ ទីវត្តអារ៉ាម ប្រាង្គប្រាសាទ រមណីយដ្ឋាន ព្រមទាំងបង្កើនកិច្ចការងារសន្តិសុខ និងធានាសុវត្ថិភាពថ្វាយព្រះមហាក្សត្រ និងថ្នាក់ដឹកនាំកំពូលរបស់ជាតិ ដែលយាងនិងអញ្ជើញទៅចូលរួមពិធីបុណ្យ។ នេះបើតាមសេចក្តីណែនាំចុះហត្ថលេខាដោយនាយឧត្តមសេនីយ៍ នេត សាវឿន កាលពីថ្ងៃទី៤ ខែកញ្ញា ឆ្នាំ២០១៩។

ជាមួយគ្នានេះ លោកក៏បានបញ្ជាឱ្យយកចិត្តទុកដាក់យាមកាម ល្បាត ការពារផ្ទះសម្បែង ទ្រព្យសម្បត្តិ ប្រជាពលរដ្ឋដែលចាកចេញទៅស្រុកកំណើត ឬទៅសម្រាកកម្សាន្តនៅតាមតំបន់នានាទាំងគ្រួសារ។

ក្នុងសេចក្តីណែនាំក៏បានជំរុញឱ្យយកចិត្តទុកដាក់បង្កើនការក្តាប់ និងវិភាគវាយតម្លៃនូវសភាពការណ៍ និងព័ត៌មាននានាពាក់ព័ន្ធសន្តិសុខ សណ្តាប់ធ្នាប់សង្គម ភេរវកម្ម ឧក្រិដ្ឋកម្ម និងសកម្មភាពល្មើសច្បាប់។ ក្រៅពីនេះ លោកអគ្គស្នងការក៏បានបញ្ជាឱ្យបន្តយកចិត្តទុកដាក់រឹតបន្តឹងត្រួតពិនិត្យការអនុវត្តច្បា់ចរាចរណ៍ផ្លូវគោកផងដែរ៕

អត្ថបទ៖ សំភី