សត្វស្លាប១ប្រភេទដែលកម្រក្នុងពិភពលោក តែមាននៅកម្ពុជា
- 2019-09-06 04:49:39
- ចំនួនមតិ 0 | ចំនួនចែករំលែក 0
សត្វស្លាប១ប្រភេទដែលកម្រក្នុងពិភពលោក តែមាននៅកម្ពុជា
ចន្លោះមិនឃើញ
សត្វចាបព្រែវែង គឺជាប្រភេទជិតផុតពូជបំផុត ដែលកំណត់ក្នុងបញ្ជីក្រហម ក្នុងឆ្នាំ២០១៧។
គេអាចកំណត់ញីឈ្មោលបានដោយសារសត្វឈ្មោលមានបំពង់ក និងផ្នែកពោះពណ៌លឿងទុំ និងមានវ័ណ្ឌទ្រូងពណ៌ត្នោតមានឆ្នូតស្លាប ស ដោយឡែកសត្វញីគ្មានវ័ណ្ឌទ្រូងត្នោត ផ្នែកពោះពណ៍លឿងខ្ចី និងផ្នែកខ្នងពណ៍ត្នោតខ្ចី។
បក្សីប្រភេទនេះបង្កកំណើតនៅអ៊ឺរ៉ុប និងទ្វីបអាស៊ីខាងជើង។ ពួកវាតែងតែបំលាស់ទីមកកាន់តំបន់អាស៊ី ប្រទេសឥណ្ឌា និងប្រទេសចិនភាគខាងត្បូងនៅរដូវត្រជាក់ និងហោះត្រទ្បប់ទៅប៉ែកអឺរ៉ុបវិញ។
នៅកម្ពុជា សត្វចាបព្រៃវែងត្រូវបានប្រទេះឃើញជាក្រុមក្នុងរដូវវស្សានៅតាមទីជម្រកដែលជាដីចម្ការ វាលស្រែ និងវាលស្មៅ។ ពួកវាក៏អាចតាំងលំនៅបណ្តោះអាសន្ន ក្នុងវាលស្រែទាំងនោះផងដែរ។ ពួកវាមានវត្តមាននៅកន្លែងមួយចំនួនដូចជា៖ ផ្នែកខាងត្បូងខេត្តក្រចេះ ខេត្តពោធិ៍សាត់ និងខេត្តកំពង់ធំ។ របាយរបស់ពួកវាមានការថយចុះ យ៉ាងគំហុកដោយសារតែការដាក់អន្ទាក់ ម៉ង សារធាតុពុល និងមធ្យោបាយផ្សេងទៀត សម្រាប់ធ្វើជាអាហារ និងលក់នៅលើទីផ្សារជាដើម៕
អត្ថបទ និងរូបថត៖ អង្គការជីវិតសត្វស្លាបអន្តរជាតិ កម្មវិធីប្រចាំកម្ពុជា