រកឃើញប្រទេសជើងឯក World Cup បាល់បោះ ឆ្នាំ២០១៩ ហើយ

2019-09-16 01:35:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់បោះជម្រើសជាតិអេស្ប៉ាញ បានក្លាយជាម្ចាស់ពាន FIBA Basketball World Cup ជាលើកដំបូង ក្នុងរយៈពេល ១៣ឆ្នាំចុងក្រោយ បន្ទាប់ពីយកឈ្នះក្រុមបាល់បោះជម្រើសជាតិអាហ្សង់ទីន ដោយលទ្ធផល ៩៥-៧៥ កាលពីថ្ងៃអាទិត្យ នៅទីក្រុងប៉េកាំង ប្រទេសចិន។

រូបភាព Twitter FIBA World Cup 2019

អេស្ប៉ាញ បានរកពិន្ទុនាំមុខអាហ្សង់ទីន តាំងពីវគ្គទី១ ជាពិសេសគឺអាចរកបាន ១៤ពិន្ទុ ក្នុងចំណោម ១៦ពិន្ទុដំបូង (១៤-២) និងបានបន្តការនាំមុខ រហូតចប់ការប្រកួត។

កីឡាករ Ricky Rubio ដែលប្រកបអាជីពនៅក្លឹប Phoenix Suns ក្នុងក្របខណ្ឌបាល់បោះ NBA សហរដ្ឋអាមេរិក និងជាកីឡាករល្អបំផុតប្រចាំពានរង្វាន់ (MVP) រកបាន ២០ពិន្ទុម្នាក់ឯង និង Assist ៣ដង ខណៈ Marc Gasol មកពីក្លឹប Toronto Raptors រកបាន ១៤ពិន្ទុ និង ៧ assist។

ក្រុមបាល់បោះអេស្ប៉ាញ អបអរក្រោយឈ្នះពាន World Cup (រូបភាព៖ Twitter FIBA World Cup 2019)

សូមបញ្ជាក់ថា ក្រុមបាល់បោះអេស្ប៉ាញ ធ្លាប់ឈ្នះ FIBA World Cup បានម្ដង កាលពី ១៣ឆ្នាំមុន គឺឆ្នាំ ២០០៦ ខណៈអាហ្សង់ទីន ធ្លាប់ឈ្នះម្ដងដែរ ប៉ុន្តែតាំងពីឆ្នាំ ១៩៥០ មកម្ល៉េះ។

ចំណែកការប្រកួតដណ្ដើមមេដាយសំរឹទ្ធ ក្រុមបាល់បោះបារាំង បានយកឈ្នះ អូស្រ្ដាលី ដោយលទ្ធផល ៦៧ - ៥៩៕

សូមទស្សនាវីដេអូហាយឡាយខាងក្រោមនេះ៖