ទីបំផុត! ឥណ្ឌូនេស៊ីចាប់ខ្លួនជិត ២០០នាក់ ពាក់ព័ន្ធរឿងភ្លើងឆេះព្រៃនៅកោះសូម៉ាត្រា

2019-09-19 02:13:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មនុស្សរាប់រយនាក់ ត្រូវបានចាប់ខ្លួនជុំវិញការសង្ស័យថាពាក់ព័ន្ធនឹងមូលហេតុដែលបណ្ដាលឲ្យភ្លើងឆេះព្រៃនៅឥណ្ឌូនេស៊ី ដែលបណ្ដាលឲ្យមានផ្សែងអ័ព្ទធ្វើឲ្យប៉ះពាល់សុខភាពប្រជាជន។

យោងតាមអ្នកនាំពាក្យនគរបាលជាតិ លោក Dedi Prasetyo ឲ្យដឹងកាលពីថ្ងៃច័ន្ទថាយ៉ាងហោចណាស់មនុស្ស ១៨៥ នាក់ត្រូវបានចាប់ខ្លួននៅក្នុងខេត្តចំនួន ៦ដែលមានភ្លើងឆេះ និងអ្នកជាប់ពាក់ព័ន្ធ ៤នាក់ទៀតកំពុងស្ថិតក្រោមការស៊ើបអង្កេត។ អ្នកនាំពាក្យខាងលើបន្ថែមថា ៩៩%នៃមូលហេតុដែលបណ្ដាលឲ្យភ្លើងឆេះពេញ គឺមកពីសកម្មភាពរបស់មនុស្សអ្នកដុត។ យ៉ាងណាមិញ រដ្ឋាភិបាលកំពុងដុតដៃដុតជើងប្រើប្រាស់គ្រប់មធ្យោបាយទាំងអស់តាមដែលអាចធ្វើទៅបាន ដើម្បីពន្លត់ភ្លើងឆេះព្រៃឲ្យទាន់ពេលវេលា ការពារការប៉ះពាល់ជីវិតប្រជាជន។

គួរបញ្ជាក់ថា មកទល់ពេលនេះផ្ទៃដីជាង ៣២៨ ០០០ហិចតាត្រូវបានដុតបំផ្លាញ ខណៈដែលប្រជាជនរាប់ពាន់នាក់ត្រូវបានជម្លៀសខ្លួន និងមនុស្សជាង ៩ ០០០ នាក់កំពុងព្យាយាមជួយពន្លត់ភ្លើងនេះ៕