នៅ​ថ្ងៃទី២៦ ខែកញ្ញា ឆ្នាំ​២០១៩ ដែល​ត្រូវជា​បិណ្ឌទី​១៣ សម្តេច​នាយក​រដ្ឋមន្រ្តី ហ៊ុន សែន បាន​លើកឡើង​តាម​បណ្តាញ​សង្គម​ហ្វេសប៊ុក​ថា ប្រជាពលរដ្ឋ​ក្នុង​រាជធានីភ្នំពេញ និង​តាម​បណ្តាខេត្ត​នានា បាន​សម្រុកចេញ​ដំណើរ​ទៅកាន់​ស្រុក​កំណើត​ដើម្បីជួបជុំ​ក្រុមគ្រួសារ​ធ្វើបុណ្យភ្ជុំបិណ្ឌ​ធំ​ខាងមុខ។

ជាមួយ​គ្នានេះ សម្តេច​ក៏បាន​សរសេរ​រៀបរាប់​ទៀត​ផងដែរ​ថា៖ «**ស្រុកទេស​យើង​សព្វថ្ងៃ កាន់តែសុខសប្បាយ និង​រីកចម្រើន​ទៅមុខ។ រីឯផ្លូវថ្នល់ និង​ស្ពានតូចធំ​ក៏កាន់តែ​មានច្រើន ហើយ​រមណីយដ្ឋាន និងកន្លែង​កម្សាន្ត​វិញ ក៏មាន​ស្ទើរគ្រប់​ទីកន្លែង ដែលផ្តល់​ឱកាស​ដល់ប្រជាពលរដ្ឋ និងទេសចរជាតិ​ និងអន្តរជាតិ​ធ្វើដំណើរ​ទៅ​កម្សាន្ត​ដោយគ្មាន​ការភ័យព្រួយ​ដូចសម័យ​សង្រ្គាមឡើយ**»៕