គ្រោះថ្នាក់ដ៏រន្ធត់៖ មនុស្ស ៥នាក់ស្លាប់ដោយសារបើករថយន្តលឿនក្រឡាប់

  • 2019-10-02 04:21:38
  • ចំនួនមតិ 0 | ចំនួនចែករំលែក 0

ចន្លោះមិនឃើញ


មនុស្សចំនួន ៥នាក់ បានស្លាប់បាត់បង់ជីវិត ដោយសារតែបើករថយន្តក្នុងល្បឿនលឿនក្រឡាប់ក្នុងស្ថានភាពផ្លូវកោង ស្ថិតនៅផ្លូវជាតិលេខ ៦ ភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ នៅព្រឹកថ្ងៃទី២ ខែតុលា ឆ្នាំ២០១៩ នេះ។

លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បានថ្លែងបញ្ជាក់ប្រាប់ [ខ្លីៗ] នៅមុននេះបន្តិចថា នៅក្នុងហេតុការណ៍គ្រោះថ្នាក់ចរាចរណ៍នេះ បានបណ្តាលឲ្យមនុស្សចំនួន ៥នាក់បានស្លាប់ ដោយក្នុងនោះមនុស្សចំនួន ៤នាក់ស្លាប់នៅនឹងកន្លែងកើតហេតុ និងម្នាក់ទៀតបញ្ជូនដល់មន្ទីរពេទ្យបានស្លាប់។ អ្នកស្លាប់​ទាំង ៥នាក់​រួម​មាន៖

១​៖​ ឈ្មោះ​ ឌុ​ក​ វ​ល្ល័​ក្ខ​ ភេទ​ស្រី​ ជាម​ន្ដ្រី​នគរបាល​នៅ​នាយកដ្ឋាន​ក្រសួងមហាផ្ទៃ​ អ្នកបើកបរ​រថយន្ត​ (​ស្លាប់​)​។​

២៖​ ឈ្មោះ​ អួន​ ចាន់​ធា​រី​ ភេទ​ស្រី​ អាយុ​ ៣៤​ឆ្នាំ​ រស់នៅ​ភូមិ​ទី​៤​ ឃុំ​ស្វាយ​លួង​ ស្រុក​កណ្តៀង​ ខេត្តពោធិ៍សាត់​ អ្នក​រួម​ដំណើរ​ (​ស្លាប់​)​។​

៣៖​ ឈ្មោះ​ ឡា​ច​ ស្រី​ម៉ុម​ ភេទ​ស្រី​ អាយុ ​២៦​ឆ្នាំ​ រស់នៅ​ភូមិ​ជំរៅ​ ឃុំ​ពា​រាម​ ស្រុក​បាទី​ ខេត្តតាកែវ​ អ្នក​រួម​ដំណើរ​ (​ស្លាប់​)​។​

៤៖​ ឈ្មោះ​ ដុក​ ចាន់​វល​ក្ខ័​ណ៌​ ភេទ​ស្រី​ អាយុ​ ២៦​ឆ្នាំ​ រស់​បឹង​កេងកង​ទី​៣​ ខណ្ឌចំការមន​ រាជធានី​ភ្នំពេញ​ អ្នក​រួម​ដំណើរ​ (​ស្លាប់​)​។​

៥៖​ និង​អ្នក​រួម​ដំណើរ​ម្នាក់​ទៀត​មិន​ស្គាល់​អត្តសញ្ញាណ​ (​ប្រុស​.​ស្លាប់​)​។​

រថយន្តដែលក្រឡាប់ម៉ាក កាមរីបាឡែន ពណ៌ស ពាក់ផ្លាកលេខភ្នំពេញ 2AS-6715។ បើតាមស្នងការនគរបាលខេត្តកំពង់ធំ បានបញ្ជាក់ទៀតថា តាមការសន្និដ្ឋានបឋម រថយន្តដែលក្រឡាប់នោះ គឺបើកបរក្នុងល្បឿនលឿនជ្រុលនិងមិនបានស្គាល់ពីស្ថានភាពផ្លូវកោង៕

អត្ថបទ៖ កុសល

;