ជប៉ុន ផ្ដល់លុយជាង ២៥លានដុល្លាដើម្បីអភិវឌ្ឍន៍ប្រព័ន្ធបង្ហូរទឹកកខ្វក់នៅភ្នំពេញ

2019-10-03 06:37:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជប៉ុន បានផ្ដល់លុយប្រមាណជា ២,៧៧ ពាន់លានយ៉េន (ជាង ២៥លានដុល្លារអាមេរិក) សម្រាប់អនុវត្ត គម្រោង «អភិវឌ្ឍន៍ប្រព័ន្ធបង្ហូរទឹកកខ្វក់ក្នុងរាជ ធានីភ្នំពេញ» ការផ្ដល់នេះធ្វើឡើងដោយ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងលោក មិកាមិ ម៉ាសាហ៊ីរ៉ូ (MIKAMI Masahiro) ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ដែលបានចុះហត្ថលេខាលើលិខិតប្ដូរសារស្ដីពីការផ្ដល់ហិរញ្ញប្បទានឥតសំណង។ ពិធីចុះហត្ថលេខានេះធ្វើឡើយ នៅថ្ងៃទី ៣ តុលា ឆ្នាំ ២០១៩ នៅទីស្ដីការក្រសួងការបរទេស និងសហប្រតិបត្តិការ អន្តរជាតិ។

លោក មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំកម្ពុជាបានថ្លែងក្នុងពិធីចុះហត្ថលេខាលើលិខិតប្ដូរសារផ្តល់ហិរញ្ញប្បទានឥតសំណងសម្រាប់គម្រោងអភិវឌ្ន៍ឍប្រព័ន្ធបង្ហូរទឹកកខ្វក់នៅរាជធានីភ្នំពេញ ប្រមាណជាង ២៥លានដុល្លារអាមេរិក គឺជាហិរញ្ញប្បទានឥតសំណងរបស់ជប៉ុន ដើម្បីសាងសង់ស្ថានីយ៍ប្រព្រឹត្តិកម្មទឹកកខ្វក់ដែលហូរចូលទៅក្នុងបឹងជើងឯកនៅភាគខាងត្បូងរាជធានីភ្នំពេញ។

លោក មិកាមិ ម៉ាសាហ៊ីរ៉ូ បានបញ្ជាក់ទៀតថាជាមួយជាមួយនឹងអត្រាកំណើនសេដ្ឋកិច្ចខ្ពស់៧% របស់កម្ពុជានាពេលបច្ចុប្បន្ន ចំនួនប្រជាជននៅរាជធានីភ្នំពេញក៏កំពុងបន្តកើនឡើងផងដែរ។ ដូចនេះចាំបាច់ណាស់ក្នុងការបញ្ចេញ សំណស់ទឹកកខ្វក់ពីជីវភាពរស់នៅទៅក្នុងទន្លេបន្ទាប់ពីធ្វើប្រព្រឹត្តិកម្មឲ្យបានត្រឹមត្រូវ ដើម្បីកុំឲ្យបរិយាកាសរស់នៅកាន់តែមានសភាពមិនល្អ ។

សម្រាប់ប្រព័ន្ធទឹកស្អាតវិញ ជាលទ្ធផលនៃជំនួយបច្ចេកទេសជាច្រើនឆ្នាំតាមរយៈជំនួយ ODA ជប៉ុននិងទីក្រុងគីតាយុស៊ុ Kitakyushu ដើម្បីសម្រេចបានការអភិវឌ្ឍន៍ដែលមានឈ្មោះថា «ភ្នំពេញ អច្ឆរិយៈ»។ ហើយសម្រាប់ប្រព័ន្ធបង្ហូរទឹកកន្ទក់វិញ មិនត្រឹមតែមានការសាងសង់ស្ថានីយ៍ប្រព្រឹត្តិ ឬកខ្វក់ តាមរយៈហិរញ្ញប្បទានឥតសំណងលើកនេះតែប៉ុណ្ណោះទេ យើងក៏បានបញ្ជូនអ្នកជំនាញការប្រព័ន្ធ បង្ហូរ ទឹកកខ្វក់ពីទីក្រឯKitakyushu មកកាន់រាជធានីភ្នំពេញតាំងពីខែមេសាឆ្នាំនេះ ដើម្បីផ្ដល់ជំនួយបច្ចេកទេសក្នុងការគ្រប់គ្រង និងថែទាំស្ថានីយ៍នោះ។

បន្ថែមពីលើការសាងសង់ហេដ្ឋារចនាសម្ព័ន្ធ ការផ្ដល់ការគាំទ្រជាសរុបសម្រាប់ការគ្រប់គ្រងនិងថែទាំគឺជារបៀបផ្តល់ជំនួយរបស់ជប៉ុន។ តាមរយៈគម្រោងនេះ រំពឹងថា -បរិយាកាសប្រព័ន្ធបង្ហូរទឹកកខ្វក់ នៅរាជធានីភ្នំពេញនិងត្រូវបានកែលម្អរ ព្រមទាំងអាចលើកកម្ពស់គុណភាពជីវ ភាពរស់នៅរបស់ប្រជាជនដែលរស់នៅរាជធានីភ្នំពេញ៕

អត្ថបទ៖ កុសល