លោក ស៊ុន ចាន់ថុល៖ ពេលយើង​កំពុង​ទាញ​សាឡង់​ចេញ មាន​បងប្អូន២នាក់​ស្រែកថា «ចោល​ម្សៀត»

  • 2019-10-04 07:23:24
  • ចំនួនមតិ 0 | ចំនួនចែករំលែក 0

ចន្លោះមិនឃើញ


លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តី​ក្រសួង​សាធារណការ និង​ដឹកជញ្ជូន បាន​ថ្លែងឱ្យដឹងថា នៅពេលក្រុមការងារ​កំពុងអូសទាញសាឡង់​ដឹកខ្សាច់ចេញពីសសរស្ពាន​ព្រែកតាម៉ាក់ មាន​បងប្អូន២នាក់ស្រែកពីលើស្ពានថា «ចោលម្សៀត»។

រូបថត៖ ក្រសួងសាធារណការ និងដឹកញ្ជូន

ក្នុង​កម្មវិធី​បើកយុទ្ធនាការ​បណ្តុះបណ្តាល​ និង​ផ្សព្វផ្សាយ​បច្ចេកទេស​ជួសជុល​ថែទាំផ្លូវ និងកម្មវិធីថែទាំផ្លូវ នាថ្ងៃទី៤ ខែតុលា ឆ្នាំ​២០១៩ លោកទេសរដ្ឋមន្រ្តី បាន​មាន​ប្រសាសន៍​យ៉ាងដូច្នេះថា៖ «ពេល​យើងកំពុង​អូសទាញ មានបងប្អូន២នាក់ដើរលើស្ពាន គាត់ស្រែក «ចោលម្សៀតៗ»។ អាឯងនេះ​ខំចង់ងាប់... គាត់ស្រែកយើងចោលម្សៀត រុញវាមិនចេញ»។

សូម​រំលឹក​ថា សាឡង់​ដឹកខ្សាច់​មួយគ្រឿង​ត្រូវបាន​កម្លាំង​ទឹក​បោក ហើយ​បាន​កឿង​ជាប់នឹង​ជើងតាង​នៃ​សសរ​ស្ពាន​ផ្នែក​កណ្តាល​ប៉ែក​ខាងកើត នៃ​ស្ពាន​ព្រែកតាមាក់ ដែល​ស្ថិត​នៅក្នុងស្រុក​ខ្សាច់​កណ្តាល និង​ស្រុកមុខកំពូល ខេត្ត​កណ្តាល ត្រូវបាន​ក្រុមការងារ​បច្ចេកទេស នៃ​ក្រសួង​សាធារណការ និង​ដឹកជញ្ជូន អូសទាញ​ចេញ​ដោយ​សុវត្ថិភាព រួចរាល់​ជាស្ថាពរ​នៅថ្ងៃទី៣០ ខែកញ្ញា ឆ្នាំ​២០១៩៕

រូបថត៖ ក្រសួងសាធារណការ និងដឹកញ្ជូន

អត្ថបទ​ទាក់ទង៖

-វីដេអូ៖ សង្ខេប​សកម្មភាព​ការ​ទាញ​យក​សាឡង់​ចេញ​ពី​ជើង​ស្ពាន​ព្រែក​តាមាក់

អត្ថបទ៖ សំភី

;