កម្ពុជា ស្នើឲ្យប្រទេសសមាជិកអាស៊ានរួមគ្នាដោះស្រាយលើលំហូរកាកសំណល់ឆ្លងដែន
- 2019-10-08 23:50:00
- ចំនួនមតិ 0 | ចំនួនចែករំលែក 0
កម្ពុជា ស្នើឲ្យប្រទេសសមាជិកអាស៊ានរួមគ្នាដោះស្រាយលើលំហូរកាកសំណល់ឆ្លងដែន
ចន្លោះមិនឃើញ
លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីបរិស្ថាន បានស្នើឱ្យបណ្ដាប្រទេសជាសមាជិកអាស៊ានទាំងអស់ ធ្វើកិច្ចសហប្រតិបត្តិការជាបន្ទាន់ ដើម្បីដោះស្រាយលើលំហូរកាកសំណល់ឆ្លងដែនខុសច្បាប់ ដែលបានប៉ះពាល់ដល់ប្រទេសជាច្រើននៅអាស៊ាន ជាពិសេសកាកសំណល់ផ្លាស្ទិក។ ការស្នើនេះ ធ្វើឡើងក្នុងពិធីបើកកិច្ចប្រជុំលើកទី១៥ របស់រដ្ឋមន្ត្រីបរិស្ថានអាស៊ាន កាលថ្ងៃទី០៨ ខែតុលា ឆ្នាំ២០១៩ នៅខេត្តសៀមរាប។
លោកបានបញ្ជាក់ថា បញ្ហានេះជាការគំរាមគំហែងលើប្រព័ន្ធអេកូឡូស៊ី សុខភាព សុខុមាលភាពរបស់ប្រជាជន ក៏ដូចជាភាពទាក់ទាញទេសចរណ៍របស់ប្រទេសនៅក្នុងតំបន់ ដូច្នេះត្រូវរៀបចំឱ្យមានការចែករំលែកព័ត៌មាន ពង្រឹងកិច្ចសហប្រតិបត្តិការក្នុងចំណោមស្ថាប័នអនុវត្តផ្ទាល់ និងភាពជាដៃគូជាមួយប្រទេស ដែលជាប្រភពដើមនៃកាកសំណល់ ដើម្បីបញ្ឈប់លំហូរខុសច្បាប់នេះ ចេញពីប្រទេសដើម។
លើសពីនេះ រដ្ឋមន្ត្រីសូមឱ្យក្រុមការងារអាស៊ានទទួលបន្ទុកគីមី និងសំណល់ ផ្តល់អាទិភាពក្នុងការដោះស្រាយបញ្ហានេះ និងផ្តល់នូវវិធានការជាក់លាក់មួយចំនួនក្នុងរយៈពេលខ្លីខាងមុខ ដើម្បីឆ្លើយតបនឹងបញ្ហារួមនេះ ប្រកបដោយស្មារតីសហការ និងសហប្រតិបត្តិការ៕