មកដឹងលទ្ធផលរបស់ម្ចាស់ខ្សែក្រវាត់ ONE ទាំង ៤ ដែលប្រកួតនៅជប៉ុន

2019-10-14 02:34:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ម្ចាស់ខ្សែក្រវាត់ ៤រូប ដែលប្រកួតការពារខ្សែក្រវាត់រៀងៗខ្លួន នៅក្នុងព្រឹត្តិការណ៍ ONE: Century នៅទីក្រុងតូក្យូ ប្រទេសជប៉ុន កាលពីថ្ងៃទី១៣ ខែតុលាម្សិលមិញនេះ សុទ្ធតែទទួលជ័យជម្នះទាំងអស់។

ព្រឹត្តិការណ៍ទី ១០០ របស់ ONE Championship នេះ ត្រូវបានបែងចែកជា ២ផ្នែក គឺការប្រកួតពេលព្រឹក និងការប្រកួតពេលល្ងាច។

កម្មវិធីប្រកួតពេលព្រឹក (Part I) មានគូខ្សែក្រវាត់ ១គូ គឺ៖

កីឡាការិនីសិង្ហបុរី Angela Lee ឈ្នះកីឡាការិនីចិន Xiong Jing Nan ដោយការក្លេនៅចុងទឹកទី៥ ដើម្បីការពារខ្សែក្រវាត់ ONE Women’s Atomweight World Champion។

Angela Lee អបអរក្រោយការពារខ្សែក្រវាត់បានសម្រេច (រូបភាពផ្ដល់សិទ្ធិដោយ ONE Championship)

កម្មវិធីប្រកួតពេលល្ងាច (Part II) មានគូខ្សែក្រវាត់ ៣គូទៀត គឺ៖

កីឡាករមីយ៉ាន់ម៉ា Aung La N Sang ការពារខ្សែក្រវាត់ ONE Light Heavyweight World Champion របស់ខ្លួនបានសម្រេច ក្រោយយកឈ្នះកីឡាករហ្វីលីពីន Brandon Vera ដោយការម៉ាត់ ក្នុងទឹកទី២។

Aung La N Sang នៅតែជាម្ចាស់ខ្សែក្រវាត់ប្រភេទទម្ងន់ Light Heavyweight (រូបភាពផ្ដល់សិទ្ធិដោយ ONE Championship)

កីឡាករប្រេស៊ីល Bibiano Fernandes ក៏អាចការពារខ្សែក្រវាត់ ONE Bantamweight World Champion របស់ខ្លួនបានដែរ ក្រោយយកឈ្នះគូប្រកួតចាស់ Kevin Belingon (ហ្វីលីពីន) ដោយក្បាច់ក្លេ ក្នុងទឹកទី២។

Bibiano Fernandes នៅតែជាស្ដេចក្នុងប្រភេទទម្ងន់ Bantamweight នៅ ONE (រូបភាពផ្ដល់សិទ្ធិដោយ ONE Championship)

រីឯគូខ្សែក្រវាត់មួយទៀត គឺកីឡាករថៃ Rodtang Jitmuangnon ឈ្នះកីឡាករប្រេស៊ីល Walter Goncalves ដោយពិន្ទុមិនឯកច្ឆ័ន្ធ ការពារខ្សែក្រវាត់ ONE Flyweight Muay Thai World Champion របស់ខ្លួនបានសម្រេច។