សម្តេច ហ៊ុន សែន៖ កម្ពុជា គ្រោងទិញយន្តហោះស៊ើបការណ៍ និងអាវុធបន្ថែមពីសាធារណរដ្ឋឆែក
- 2019-10-14 23:53:45
- ចំនួនមតិ 0 | ចំនួនចែករំលែក 0
សម្តេច ហ៊ុន សែន៖ កម្ពុជា គ្រោងទិញយន្តហោះស៊ើបការណ៍ និងអាវុធបន្ថែមពីសាធារណរដ្ឋឆែក
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានគូសបញ្ជាក់ថា កម្ពុជា មានគម្រោងទិញយន្តហោះស៊ើបការណ៍ L-39 បន្ថែម រួមទាំងអាវុធមួយចំនួនទៀត ពីសាធារណរដ្ឋឆែក។ ការថ្លែងនេះ ធ្វើឡើងក្នុងសន្និសីទកាសែតរួមគ្នាជាមួយនាយករដ្ឋមន្រ្តីឆែក ក្រោយជំនួបពិភាក្សា កាលពីថ្ងៃទី១៤ ខែតុលា ឆ្នាំ២០១៩។
សូមជម្រាបថា បន្ទាប់ពីកិច្ចជំនួបពិភាក្សាទ្វេភាគី រវាងសម្តេចតេជោ ហ៊ុន សែន និងលោក Andrej Babis នាយករដ្ឋមន្រ្តីឆែករួចមក រដ្ឋាភិបាលនៃប្រទេសទាំងពីរ បានចុះហត្ថលេខាលើ ឯកសារសំខាន់ៗចំនួនពីររួមមាន៖
១. អនុស្សារណៈនៃការយោគយល់គ្នា ស្តីពីកិច្ចសហប្រតិបត្តិការ រវាងក្រសួងសុខាភិបាលកម្ពុជា និងទីភ្នាក់ងារអនុវត្តគម្រោងសុខាភិបាលឆែក VAMED ។
២. អនុស្សារណៈនៃការយោគយល់គ្នា រវាងសភាពាណិជ្ជកម្មកម្ពុជា និងសភាពាណិជ្ជកម្មឆែក៕