Mourinho បាញ់ចុកៗលើគ្រូ Liverpool ក្រោយលេងត្រឹមស្មើយប់មិញ

2019-10-21 02:25:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតគ្រូបង្វឹកក្រុមបិសាចក្រហម Manchester United លោក Jose Mourinho បាននិយាយប៉ុន្មានម៉ា់ត់ក្រោយប្រកួតយប់មិញដែលគូប្រជែងទាំងពីរ លេងត្រឹមស្មើ ១-១ ដែលទទួលបានការចាប់អារម្មណ៍ជាខ្លាំង ក៏ព្រោះតែជាការបោះពាក្យសម្តីឌឺដង ទៅជាលោកទៅក្នុងនាមជាអ្នកទស្សនាធម្មតាក្ដី។

លោក Jose Mourinho ត្រូវបានអ្នកគាំទ្រទះដៃស្វាគមន៍ ពេលអង្គុយមើលផ្ទាល់នៅ Old Trafford / twitter

និយាយពីទម្រង់លេងជាមួយពិធីករទូរទស្សន៍ Skysport លោកបាននិយាយថា "ខ្ញុំព្យាយាមរក្សាតំណែងការងារដូចដែល Ole កំពុងធ្វើបច្ចុប្បន្ននេះដែរ ហើយតែងតែរំឭកជារឿយៗពីអនាគតរបស់ខ្ញុំ។ ចំណែក Jurgen Klopp គាត់មិនចូលចិត្ត Menu។ តាមដឹង គាត់ចូលចិត្តសាច់សត្វ តែបានមកវិញជាត្រី ចឹងគាត់អត់សប្បាយចិត្តនោះទេ។"

Jurgen Klopp និង Adam Lalana ក្រោយចប់ការប្រកួត / twitter

ក្នុងអត្ថន័យពាក្យខ្លីៗនេះ លោកចង់សំដៅដល់ទម្រង់ប្រយុទ្ធរបស់គ្រូ Liverpool ដែលរៀបចំមកលេងជាមួយ Man Utd ជាទម្រង់បិទការពារបែបនេះ លទ្ធផលមិនដូចចិត្ត ពោលគឺមិនដូចក្រុមដែល Klopp រៀបពេលលេងជាមួយក្រុម បកទៅបកមក នោះទេ។ ហើយតាំងពីដឹកនាំ Liverpool លោក Klopp មិនដែលឈ្នះនៅទឹកដី Old Trafford នោះទេបានត្រឹមចាញ់ ឬស្មើ។

បើក្រឡេកមើលស្ថិតិរបស់លេង Livepool គ្រប់គ្រងបាល់ដល់ទៅ ៦៨% ឯ Man Utd ៣២% និងបង្កើតស៊ុតបាន ១០ ជើងត្រូវគោលដៅ ៤ ដង ប៉ុន្តែចប់ការប្រកួតបានត្រឹម ១ ពិន្ទុត្រឡប់ទៅវិញ។ បច្ចុប្បន្ន Liverpool នៅឈរកំពូលតារាងដាច់ពិន្ទុក្រុមលេខ ២ Man City ៦ ពិន្ទុ ចំណែក Man Utd ខ្ទាតដល់លេខ ១៣ ក្នុងតារាងមានត្រឹម ១០ ប៉ុណ្ណោះ៕

សូមទស្សនាវីដេអូហាយឡាយខាងក្រោម៖