រឿង ៦ យ៉ាង ដែលជាប្រផ្នូលជោគលាភសម្រាប់អ្នក
- 2019-10-29 01:45:00
- ចំនួនមតិ 0 | ចំនួនចែករំលែក 0
រឿង ៦ យ៉ាង ដែលជាប្រផ្នូលជោគលាភសម្រាប់អ្នក
ចន្លោះមិនឃើញ
តាមជំនឿបុរាណ បើសិនជាអ្នកជួបនឹងរឿងណាមួយក្នុងចំណោមរឿងទាំង ៦ ខាងក្រោមនោះវាជាប្រផ្នូលបញ្ជាក់ថា អ្នកនឹងបានជួបនឹងលាភ គាប់ប្រសើរអ្វីមួយ។ នេះបើតាមការឱ្យដឹងពីក្បួនតម្រាហុងស៊ុយ ស៊ឹង ណាំហុង។
១. សត្វប្រចៀវធ្វើសំបុកក្នុងផ្ទះ
បញ្ជាក់ថាគ្រួសារអ្នកនឹងជួបរឿងថ្កុំថ្កើង សម្បត្តិហូរហៀរ ព្រោះសត្វប្រចៀវតំណាងឱ្យទ្រព្យសម្បត្តិ។
(រូបពី livescience)
២. ជួបសត្វពស់ដោយចៃដន្យ
បញ្ជាក់ថា រឿងខ្លះ ឬមនុស្សខ្លះដែលសំខាន់កំពុងចូលមកក្នុងជីវិតអ្នក។ បើបានជួបសូមកុំគិតចង់សម្លាប់វាឱ្យសោះ ព្រោះវានឹងលូនចេញដោយខ្លួនឯងនៅពេលដឹងថាមានមនុស្សនៅម្ដុំនោះ។
៣. ពេលឃើញទេពច្យុតិ
គួរប្រញាប់ផ្សងប្រាថ្នាភ្លាមៗ ការផ្សងរបស់អ្នក អាចនឹងកើតមានមែនពិត ក្នុងរយៈពេល ៣០ថ្ងៃ។
(រូបពី gindim.wordpress)
៤. ពេលមានមេអំបៅហើរចូលផ្ទះ
អ្នកនឹងបានស្វាគមន៍ភ្ញៀវដ៏សំខាន់ បើមេអំបៅនោះមានពណ៌ឆើតឆាយ នោះបញ្ជាក់ថាភ្ញៀវនឹងនាំដំណឹងល្អមកប្រាប់។ ដូច្នេះកុំព្យាយាមចង់ចាប់ ឬសម្លាប់សត្វមេអំបៅឱ្យសោះ ព្រោះសត្វនេះតែងនាំដំណឹងរីករាយជានិច្ច បើសម្លាប់អាចកើតរឿងអាក្រក់ជំនួសវិញ។
(រូបពី fanpop.com)
៥. ជួបគោដោយចៃដន្យ
គោតំណាងឱ្យភាពចម្រើនរុងរឿង បើសិនអ្នកជួបវា ភាពរុងរឿងនៅមិនឆ្ងាយពីអ្នកនោះទេ។
៦. ពេលសុនខចូលមកនៅក្នុងផ្ទះ
សុនខជាសត្វស្មោះត្រង់។ បើសិនមានគេជូនសុនខជាកាដូឬ សត្វសុនខខ្លួនឯងមករស់នៅក្នុងផ្ទះ ប្រៀបបាននឹងអ្នកមាន មិត្តភ័ក្ដិដ៏ស្មោះត្រង់មួយដែលចាំជួយយកអាសាអ្នក៕
ប្រិយមិត្តធ្លាប់ជួបរឿងណាមួយក្នុងចំណោមរឿងខាងលើអត់?
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
