រដ្ឋមន្រ្តីជប៉ុនមួយរូបទៀតហើយ សុំចុះចេញពីតំណែង ដោយសារកំហុសរបស់ភរិយា
- 2019-10-31 02:48:30
- ចំនួនមតិ 0 | ចំនួនចែករំលែក 0
រដ្ឋមន្រ្តីជប៉ុនមួយរូបទៀតហើយ សុំចុះចេញពីតំណែង ដោយសារកំហុសរបស់ភរិយា
ចន្លោះមិនឃើញ
លោក Katsuyuki Kawai រដ្ឋមន្រ្តីក្រសួងយុត្តិធម៌ នៅថ្ងៃទី៣១ ខែតុលា ឆ្នាំ២០១៩ បានសុំលាលែងចេញពីតំណែង បន្ទាប់ពីរងការចោទថា ភរិយារបស់លោកបានបំពានច្បាប់បោះឆ្នោត។
ការសម្រេចនេះ បន្ទាប់ពីទស្សនាវដ្តី Shukan Bunshun tabloid បានចេញផ្សាយដោយចោទប្រកាន់ថា ភរិយារបស់រដ្ឋមន្រ្តីខាងលើ គឺលោកស្រី Anri Kawai ថាបានចំណាយលុយឱ្យបុគ្គលិកប្រចាំថ្ងៃលើសការកំណត់ដោយច្បាប់ ក្នុងអំឡុងលោកស្រីកំពុងឃោសនារកសំឡេងឆ្នោតនៅសភា។ លោកស្រីក៏ត្រូវគេរាយការណ៍ថា បានទិញទឹកចិត្តពលរដ្ឋផងដែរ។
ទោះជាយ៉ាងណា លោក Katsuyuki Kawai បានបដិសេធថា លោកមិនបានធ្វើអ្វីខុសនោះទេ ប៉ុន្តែលោកថាការចុះចេញពីតំណែងគឺជាការសម្រេចចិត្តដ៏ប្រសើរបំផុតក្នុងកាលៈទេសៈបែបនេះ។
សូមជម្រាបថា លោកជារដ្ឋមន្រ្តីជប៉ុនទី២ហើយ ដែលសុំលាលែងចេញពីតំណែង ក្នុងសប្តាហ៍នេះ បន្ទាប់ពីលោក Isshu Sugawar រដ្ឋមន្រ្តីក្រសួងពាណិជ្ជកម្ម។ លោក Isshu Sugawar ត្រូវបានគេចោទថា ទិញទឹកចិត្តពលរដ្ឋ តាមរយៈការយកលុយជាង ១៨៤ដុល្លារ ចូលបច្ច័យក្នុងពិធីបុណ្យសពរបស់អ្នកគាំទ្រលោក៕