កម្ពុជាធ្វើសន្និសីទស្តីដំណើរការរៀបចំកិច្ចប្រជុំកំពូលអាស៊ីប៉ាស៊ីហ្វិក
- 2019-11-05 06:14:01
- ចំនួនមតិ 0 | ចំនួនចែករំលែក 0
កម្ពុជាធ្វើសន្និសីទស្តីដំណើរការរៀបចំកិច្ចប្រជុំកំពូលអាស៊ីប៉ាស៊ីហ្វិក
ចន្លោះមិនឃើញ
នៅថ្ងៃទី៥ ខែវិច្ឆិកា ឆ្នាំ ២០១៩ នេះ រាជរដ្ឋាភិបាលកម្ពុជា និងសហព័ន្ធសន្តិភាពសកល បានធ្វើសន្និសីទសារព័ត៌មានស្តីពីដំណើរការរៀបចំកិច្ចប្រជុំកំពូលអាស៊ីប៉ាស៊ីហ្វិកនៅថ្ងៃ១៨-២០ ខែវិច្ឆិកាខាងមុខនេះ នៅភោជនីដ្ឋានទន្លេបាសាក់១។
លោក ឯក ថា អ្នកនាំពាក្យទីស្តីការគណៈរដ្ឋមន្ត្រី និងជាអនុប្រធានប្រចាំការនៃអង្គភាពអ្នកនាំពាក្យរាជរដ្ឋាភិបាល បានថ្លែងថា កិច្ចប្រជុំកំពូលអាស៊ីប៉ាស៊ីហ្វិក លើកទី២ មានសារ:សំខាន់ណាស់ ដែលកម្ពុជាធ្វើជាម្ចាស់ផ្ទួះ ដោយកិច្ចប្រជុំនេះមានប្រទេសជាង៥០ចូលរួម ក្នុងនោះមានប្រធានាធិបតី នាយករដ្ឋមន្ត្រី សមាជិកព្រឹទ្ធសភា និងភាគីពាក់ព័ន្ធ។
លោកបណ្ឌិត Julius Malicedem ជានាយកអង្គការសហព័ន្ធសន្តិភាពសកល តំបន់អាស៊ីអាគ្នេយ៍បានថ្លែងថា សហព័ន្ធសន្តិភាពសកល សូមថ្លែងអំណរគុណសម្តេចនាយករដ្ឋមន្ត្រី ហ៊ុន សែន ដែលបានអនុញ្ញាតអោយសហព័ន្ធសន្តិភាពសកល រៀបចំកិច្ចកិច្ចប្រជុំកំពូលអាស៊ីប៉ាស៊ីហ្វិកនៅថ្ងៃ១៨-២០ ខែវិច្ឆិកា ឆ្នាំ២០១៩ នៅកម្ពុជា។ ហើយកិច្ចប្រជុំនេះមានប្រតិភូជាង៥០ប្រទេសចូលរួម។ ប្រធានបទកិច្ចប្រជុំកំពូលអាស៊ីប៉ាស៊ីហ្វិក គឺការដោះស្រាយបញ្ហាប្រឈមនាពេលបច្ចុប្បន្ន សន្តិភាព ការផ្សះផ្សាជាតិ ការពឹងអាស្រ័យគ្នាទៅវិញទៅមក និងគុណតម្លែជាសកល។
លោកបញ្ជាក់ថា សហព័ន្ធសន្តិភាពសកល មានសាខាជាង១៥០ប្រទេស។
សូមបញ្ជាក់ថា កិច្ចប្រជុំនោះដែរពិភាក្សាលើប្រធានបទ៖ការដោះស្រាយបញ្ហាប្រឈម សន្តិភាព ការបង្រួបបង្រួប ផ្សះផ្សាជាតិ វិបុលភាពនិងគុណតម្លៃជាសាកលនិងការណងឹងពាក់អាស្រ័យគ្នា៕