សម្លៀកបំពាក់មានអក្សរទាំងនេះហាមលក់ឬទិញដាច់ខាតក្នុងបុណ្យឯករាជ្យ និងអុំទូក

2019-11-05 09:45:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋនបាលរាជធានីភ្នំពេញហាមមិនឲ្យមានការលក់ដូរ ឬទិញប្រើប្រាស់សម្លៀកបំពាក់ ឬឧបករណ៍ វិទ្យុទាក់ទងដែលអាចធ្វើឲ្យមាហជនភាន់ច្រឡំថាជាសមត្ថកិច្ចក្នុងឱកាសនៃពិធីបុណ្យឯករាជ្យជាតិ និងពិធីបុណ្យអុំទូកនេះទេ។

(រូបភាព៖ ស្នងការដ្ឋាននគរបាលរាជធានីភ្នំពេញ)

ក្នុងសេចក្ដីជូនដំណឹងមួយចុះផ្សាយនៅថ្ងៃនេះ រដ្ឋបាលរាជធានីភ្នំពេញបានលើកឡើងថាការហាមឃាត់នេះគឺដើម្បីរក្សាសន្តិសុខ សុវត្ថិភាព សណ្ដាប់ធ្នាប់សាធារណៈ និងរបៀបរៀបរយសង្គមនាពិធីបុណ្យទាំងពីរនេះ។

បើតាមសាលារាជធានីសម្លៀកបំពាក់មានសរសេរអក្សរថា ARMY PM ឬ POLICE ត្រូវហាមឃាត់លក់ដូរ ឬទិញប្រើប្រាស់។ ក្រៅពីនោះនៅមានឧបករណ៍ដូចជាវិទ្យុទាក់ទង ឬឧបករណ៍ប្រហាក់ប្រហែលដោយគ្មានការអនុញ្ញាត។

សាលារាជធានីភ្នំពេញស្នើឲ្យសមត្ថកិច្ចជួយពីនិត្យតាមដានការលក់ដូរ និងការប្រើប្រាស់សម្លៀកបំពាក់ប្រហាក់ប្រហែលនឹងឯកសណ្ឋានកងកម្លាំងប្រដាប់អាវុធនេះ និងធ្វើការណែនាំ អប់រំ បើឃើញមានការលក់ដូរ ឬទិញប្រើប្រាស់។ ក្នុងករណីបង្កបទល្មើសជាក់ស្ដែងរដ្ឋបាលរាជធានីថាត្រូវឃាត់ខ្លួន និងបញ្ជូនទៅតុលាការ៕