គ្រូម៉ុងហ្គោលី លើកឡើងពីសារៈសំខាន់២ចំណុច ដែលមកប្រកួតមិត្តភាពជាមួយកម្ពុជា

2019-11-14 01:46:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Michael Weiss គ្រូបង្វឹកក្រុមជម្រើសជាតិម៉ុងហ្គោលី បានថ្លែងក្នុងសន្និសីទកាសែតកាលពីម្សិលមិញថា ការប្រកួតមិត្តភាពជាមួយកម្ពុជា នៅល្ងាចថ្ងៃទី១៤ ខែវិច្ឆិកានេះ គឺសំខាន់ណាស់សម្រាប់ក្រុមលោកព្រោះលោកចង់ឱ្យកីឡាករសុំានឹងអាកាសធាតុ ព្រោះនៅម៉ុងហ្គោលីត្រជាក់ដល់ក្រោម ២០អង្សារ ហើយមួយទៀតលោកចង់ឱ្យកូនក្រុមសុំានឹងកីឡដ្ឋានធំដែលមានអ្នកគាំទ្រកម្ពុជាច្រើន។

ជាមួយគ្នានេះ លោកក៏បានថ្លែងអំណរគុណដល់សហព័ន្ធបាល់ទាត់កម្ពុជា ដែលបានអញ្ជើញក្រុមម៉ុងហ្គោលីសម្រាប់ការប្រកួតមិត្តភាព និងការស្នាក់នៅហ្វឹកហាត់ត្រៀមការប្រកួតផ្លូវការជាមួយមីយ៉ាន់ម៉ា។

ចំណែកលោក Felix G. Dalmas គ្រូបង្វឹកក្រុមជម្រើសជាតិកម្ពុជា បានលើកឡើងថា ជំនួបជាមួយម៉ុងហ្គោលី គឺជាការប្រកួតត្រៀមខ្លួនដ៏ល្អមួយមុនជំនួបជាមួយហុងកុង នាថ្ងៃទី១៩ វិច្ឆិកាខាងមុខ។

លោកបន្តថា៖ «យើងមានកីឡាករសរុប ៣៥នាក់ អ៊ីចឹងហើយបានជាយើងហ្វឹកហាត់ជា ២លក្ខខណ្ឌផ្សេងគ្នា រហូតមកដល់ពេលនេះ ការហ្វឹកហាត់គឺរលូន ហើយកីឡាករម្នាក់ៗ ត្រូវខិតខំសម្រាប់កៅអីរបស់ខ្លួន»៕

អត្ថបទ៖ សំភី