ខេត្ត ៣គ្មានភ្ញៀវអន្តរជាតិទៅលេងកម្សាន្តក្នុងពិធីបុណ្យអុំទូក

2019-11-14 02:44:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រះរាជពិធីបុណ្យអុំទូក អកអំបុក លយប្រទីប សំពះព្រះខែ រយៈពេល ៣ថ្ងៃ (១០-១២ វិច្ឆិកា ឆ្នាំ២០១៩) បានបញ្ចប់ដោយខេត្តដែលមានភ្ញៀវទេសចរណ៍ និងបងប្អូនប្រជាពលរដ្ឋដែលដើរកម្សាន្តច្រើនជាងគេគឺខេត្តសៀមរាបដែលមានភ្ញៀវជាតិ ២៥០ ០០០ នាក់ និងភ្ញៀវអន្តរជាតិមាន ២៦ ៥៧៧ នាក់ សរុបចំនួន ២៧ ៦៥៧៧ នាក់។

ចំណែកខេត្ត ៣នេះគ្មានភ្ញៀវទេសចរអន្តរជាតិទៅលេងកម្សាន្តគឺ ខេត្តកំពង់ឆ្នាំ ខេត្តព្រៃវែង និងខេត្តត្បូងឃ្មុំ។ បើតាមមន្ត្រីក្រសួងទេសចរណ៍ សម្រាប់ភ្ញៀវទេសចរ និងបងប្អូនប្រជាពលរដ្ឋដែលដើរកម្សាន្តនៅទូទាំងប្រទេសសរុបប្រមាណ ៥ ៨១៦ ៧១១ នាក់ក្នុងអត្រាកំណើនប្រមាណ ៧,២៦ % ក្នុងនោះ ភ្ញៀវជាតិប្រមាណ ៥ ៧២៧ ១៦៣ នាក់ ក្នុងអត្រាកំណើន ៧,២១% និងភ្ញៀវអន្តរជាតិប្រមាណ ៨៩ ៥៤៨ នាក់ ក្នុងអត្រាកំណើន ១០,៦១%។

ដោយឡែកក្នុងតួលេខ រាជធានីភ្នំពេញដែលជាទីតាំងប្រារព្ធពិធី ទទួលបានភ្ញៀវមកកម្សាន្តប្រមាណ ៤ ៧៨១ ៤៤៦ នាក់ កើនឡើង ៥,១៦% ក្នុងនោះ ភ្ញៀវជាតិមានចំនួនប្រមាណ ៤ ៧៥០ ០០០ នាក់ កើនឡើងប្រមាណ ៥,១១% និងភ្ញៀវអន្តរជាតិមានចំនួនប្រមាណ ៣១ ៤៤៦ នាក់ កើនឡើងប្រមាណ ១៣,៩៤%៕

ស្ថិតិភ្ញៀវទេសចរនិងបងប្អូនប្រជាពលរដ្ឋដែលដើរកម្សាន្តក្នុងព្រះរាជពិធីបុណ្យអុំទូក អកអំបុក លយប្រទីប សំពះព្រះខែ រយៈពេល ៣ថ្ងៃ (១០-១២ វិច្ឆិកា ឆ្នាំ២០១៩) ខាងក្រោម៖