ប្រពន្ធ Rain ទាក់ទាញចំណាប់អារម្មណ៍ខ្លាំង ព្រោះចូលសិល្បៈ២ទសវត្ស កើតកូន២ហើយតែមិនខ្ចីចាស់

2019-11-15 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយសម្រាលបុត្រទី២ បានត្រឹមតែ៤០ថ្ងៃ កំពូលតារាសម្ដែងស្រីកូរ៉េ Kim Tae Hee បានវិលត្រលប់មកសិល្បៈវិញ ជាមួយនឹងរូបសម្បត្តិគ្មានអ្វីផ្លាស់ប្ដូរទាំងអស់។

កាលពីថ្ងៃទី១៤ ខែវិច្ឆិកាមុននេះ តារាសម្ដែងស្រីជួរមុខកូរ៉េ Kim Tae Hee បានត្រលប់ចូលវិថីសិល្បៈវិញ ក្រោយពេលសម្រាលបុត្រទី២របស់ខ្លួន និងកំពូលតារាចម្រៀងប្រុស Rain បានត្រឹមតែ៤០ថ្ងៃ។ តាមនោះដែរ នៅក្នុងកម្មវិធីផ្សព្វផ្សាយគ្រឿងសំអាងលំដាប់ដែលនាងជាអ្នកតំណាងនេះ ស្រីស្អាតវ័យ៣៩ឆ្នាំ បានយករាងស្រឡូន និងទម្រង់មុខស្អាតមកវិញបានហើយ ពោលគឺគ្មានការហើមអ្វីនោះឡើយ។

ទស្សនិកជនអត់នឹងមិនសរសើរមិនបានចំពោះការយករាងមកវិញលឿនដូចនេះ របស់អ្នកម្ដាយកូន២ខាងលើ។ ទន្ទឹមនឹងនោះ បណ្ដាញព័ត៌មានកូរ៉េ ក៏បានចុះផ្សាយពីកម្រងរូបភាពតាំងពីឆ្នាំ១៩៩៩ របស់នាង ឆ្នាំដែលនាងបានឈានជើងចូលសិល្បៈដំបូងបំផុត។ អ្វីដែលគួរឲ្យសម្គាល់នោះគឺ ក្រោយរយៈពេល២០ឆ្នាំ ភរិយារបស់តួរឿង បំណុលផ្ទះជំពាក់ស្នេហ៍ ហាក់គ្មានអ្វីប្រែប្រួលច្រើននោះឡើយ ដ្បិតនាងបានសម្រាលបុត្រដល់ទៅ២នាក់ហើយក៏ដោយ ដែលធ្វើឲ្យអ្នកម្ដាយដទៃច្រណែនជាខ្លាំង៕