Nicolo អាវុធថ្មីរបស់អ៊ីតាលីស៊ុតបាន ២ គ្រាប់ជាប់កំណត់ត្រាល្អមួយ(វីដេអូ)

2019-11-19 03:39:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើប្រយុទ្ធ Nicolo Zaniolo អាចស៊ុតបាន ២ គ្រាប់ក្នុងចំណោមជយជម្នះ ៩-១ លើក្រុមជម្រើសជាតិអាមេនីយប់មិញនេះ។ Zaniolo កំពុងកាន់កំណត់ត្រាជាកីឡាករវ័យក្មេងបំផុត(អាយុក្រោម ២០ ឆ្នាំ) ដែលអាចរកគ្រាប់បាល់បានឲ្យជម្រើសជាតិ។

Nicolo Zaniolo អបអរពេលស៊ុតបាន ២ គ្រាប់ /រូបថត៖ EURO 2020

កំណត់ត្រានេះដែរ សុទ្ធតែកាន់ដោយវីរបុរសក្លឹប ROMA ដែលផលិតកីឡាករខ្លាំងៗដូចជា អតីតកីឡាករ Daniele De Rossi (អាយុត្រឹម ២១ ឆ្នាំនិង ៤២ ថ្ងៃ) និងកីឡាករ ៣ រូបផ្សេងទៀតគឺ Antonico Cassano (អាយុត្រឹម ២១ ឆ្នាំនិង ១២៣ ថ្ងៃ) Mattia Destro (អាយុត្រឹម ២១ ឆ្នាំនិង ១៧៥ ថ្ងៃ) Carlo Ancelotti (អាយុ ២១ ឆ្នាំនិង ២១០ ថ្ងៃ) ជាគ្រូបង្វឹកក្លឹប Napoli បច្ចុប្បន្ន។

ក្រុមអ៊ីតាលី អបអរពេលកក់កៅអីទៅលេងវគ្គផ្តាច់ព្រ័ត្រ EURO 2020

រំឮកដែរថា ក្នុងវគ្គជម្រុះ EURO 2020 ពូលJ ជុំទី១០ ដែលជាជុំចុងក្រោយ យអ៊ីតាលី មានកំណត់ត្រាដ៏ល្អបំផុត ក្នុងវគ្គជម្រុះនេះ ពោលគឺ ១០ប្រកួត ឈ្នះទាំង១០ប្រកួត។ មួយទៀត ការស៊ុតចូលដល់ទៅ ៩គ្រាប់នេះ ក៏ជាគ្រាប់បាល់ច្រើនបំផុតលើកដំបូងរបស់ក្រុមនេះផងដែរ បន្ទាប់ពីស៊ុតចូលអាមេរិក ក្នុងការប្រកួតមិត្តភាព ដោយលទ្ធផល ៩-០ កាលពីឆ្នាំ១៩៤៨។

ក្នុងពូលនេះ អ៊ីតាលី ឈរលេខ១ មាន ៣០ពិន្ទុ, ហ្វាំងឡង់លេខ២ មាន១៨ពិន្ទុ ដោយ២ក្រុមនេះ បានកក់កៅអី ទៅលេងវគ្គផ្តាច់ព្រ័ត្រ EURO 2020។ ក្រិច លេខ៣ មាន ១៤ពិន្ទុ, បូស្នី លេខ៤ មាន ១៣ពិន្ទុ, អាមេនី លេខ៥ មាន ១០ពិន្ទុ និងលីតិចស្តាញ លេខ៦ មាន ២ពិន្ទុ៕

ទស្សនាវីដេអូបច្ចេកទេសលេងរបស់ Nicolo Zaniolo