គ្រូ U22 ម៉ាឡេស៊ី ដែលនៅពូលជាមួយកម្ពុជា ប្រកាសរើសយកកីឡាករដែលអាចលេងច្រើនតួនាទី

2019-11-22 02:53:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Datuk Ong Kim Swee គ្រូបង្គោលក្រុម U22 ម៉ាឡេស៊ី បានប្រកាសផ្តល់អាទិភាពដល់កីឡាករដែលអាចលេងច្រើនតួនាទី ក្នុងបញ្ជីជម្រើសកីឡាករ២០នាក់ចុងក្រោយ ដែលត្រូវសម្រេចនៅថ្ងៃទី២២ ខែវិច្ឆិកា ឆ្នាំ២០១៩ ដើម្បីចូលរួមប្រកួតកីឡាស៊ីហ្គេម ២០១៩ នៅប្រទេសហ្វីលីពីន។

លោកបានបញ្ជាក់យ៉ាងដូច្នេះថា៖ «វាជាការប្រជែងសម្រាប់ខ្ញុំ សម្រាប់ជ្រើសរើសកីឡាករ ២០នាក់ចុងក្រោយ។ វាខុសប្លែកទាំងស្រុងពី AFC Championship ដែលកីឡាករ២៣រូប ត្រូវបានអនុញ្ញាតឱ្យជ្រើសរើស ដូច្នេះខ្ញុំត្រូវតែថ្លឹងថ្លែងម៉ត់ចត់ចំពោះតួនាទីមួយចំនួន។ ខ្ញុំត្រូវតែជ្រើសរើសកីឡាករដែលអាចលេង ពីរឬបីតួនាទី»។

ក្នុងអំឡុងការហ្វឹកហាត់របស់ U22 ម៉ាឡេស៊ី គឺបានប្រកួតកម្តៅសាច់ដុំឈ្នះទាំង២លើក ពោលគឺឈ្នះក្រុម Norhern Territory FC ៣-០ និងក្រុម Western Asutrallia FC ២-០។

សូមជម្រាបថា ក្នុងព្រឹត្តិការណ៍នេះ ក្រុមដែលចូលរួមមានចំនួន១១ ក្នុងនោះពូលA រួមមានម្ចាស់ផ្ទះហ្វីលីពីន ម៉ាឡេស៊ី មីយ៉ាន់ម៉ា កម្ពុជា និងទីម័រខាងកើត ឯពូលB រួមមាន ថៃ ឥណ្ឌូណេស៊ី វៀតណាម ឡាវ សិង្ហបុរី និងប្រ៊ុយណេ។ ការប្រកួតនឹងចាប់ផ្តើមធ្វើឡើងពីថ្ងៃទី២៥ ខែវិច្ឆិកា ឆ្នាំ២០១៩៕

ចុចអាន៖

ប្រភព៖ MalayMail ប្រែសម្រួល៖ សំភី