អ៊ីរ៉ង់ ព្រមានកម្ទេចប្រទេស៣ បើហ៊ានឆ្លងបន្ទាត់ក្រហម
- 2019-11-26 02:27:54
- ចំនួនមតិ 0 | ចំនួនចែករំលែក 0
អ៊ីរ៉ង់ ព្រមានកម្ទេចប្រទេស៣ បើហ៊ានឆ្លងបន្ទាត់ក្រហម
ចន្លោះមិនឃើញ
លោក Hossein Salami អគ្គមេបញ្ជាការកងទ័ពអ៊ីរ៉ង់ បានព្រមានថា អ៊ីរ៉ង់នឹងកម្ទេចអាមេរិក អ៊ីស្រាអែល និងអារ៉ាប៊ីសាអូឌីត ប្រសិនបើប្រទេសទាំង៣នេះ ឆ្លងកាត់បន្ទាត់ក្រហមរបស់ខ្លួន។
លោកនិយាយដូច្នេះថា៖ «យើងបានបង្ហាញនូវការកំណត់ព្រំដែន... យើងបានបង្ហាញនូវការអត់ធ្មត់ចំពោះសកម្មភាពបង្កហេតុរបស់អាមេរិក, អ៊ិស្រាអែល និងអារ៉ាប៊ីសាអូឌីត ប្រឆាំងនឹងសាធារណរដ្ឋអ៊ីស្លាមអ៊ីរ៉ង់... ប៉ុន្តែយើងនឹងកម្ទេចពួកគេវិញ ប្រសិនបើឆ្លងកាត់ខ្សែក្រហមរបស់យើង»។
មេទ័ពរូបនេះ ក៏បានលើកឡើងដែរថា ការចាប់ខ្លួនទ័ពអាមេរិក និងអង់គ្លេសកន្លងមក ដែលបានចូលដែនទឹកអ៊ីរ៉ង់ គ្រាន់តែជាការព្រមានទៅដល់កងទ័ពប្រទេសដទៃ ដែលចង់បំពានខណ្ឌសីមាដែនសមុទ្ររបស់ខ្លួន។
ការព្រមានខាងលើនេះ ១ថ្ងៃប៉ុណ្ណោះបន្ទាប់ពីដ្រូន២គ្រឿងបានវាយប្រហារអណ្តូងប្រេងក្នុងប្រទេសអារ៉ាប៊ីសាអូឌីត ដែលអាមេរិក និងអារ៉ាប៊ីសាអូឌីត បានចោទថាអ៊ីរ៉ង់ជាអ្នកនៅពីក្រោយខ្នងនៃហេតុការណ៍នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
