ក្រុម U22 ឥណ្ឌូណេស៊ី ជាក្រុម​តែមួយគត់​ដែលពុំទាន់​មាន​គូប្រកួត​ស៊ុត​បញ្ចូលទី​នៅឡើយ​ទេ ពោលគឺ​២ប្រកួត​កន្លង​មក ឈ្នះ​ថៃ និង​សិង្ហបុរី ក្នុង​លទ្ធផល ២-០ ដូចគ្នា។ ក្រៅពីនោះ ក្រុមដទៃទៀត ស៊ុតតែ​របូត​គ្រាប់បាល់​ទាំងអស់។

​ឥណ្ឌូណេស៊ី និង​វៀតណាម មាន៦ពិន្ទុដូចគ្នា តែវៀតណាម ឈរលេខ១ ក្នុងពូលB ដោយមានគ្រាប់បាល់ច្រើនជាង។ ថៃលេខ៣ មាន៣ពិន្ទុ, សិង្ហបុរី និងឡាវ លេខ៤ និងលេខ៥ មាន​១ពិន្ទុដូចគ្នា។

ចំណែក​ពូលA កម្ពុជា និង​មីយ៉ាន់ម៉ា ឈរលេខ១ និងលេខ២ មាន​៤ពិន្ទុ ម៉ាឡេស៊ី និងហ្វីលីពីន លេខ៣ និង​លេខ៤ មាន ១ពិន្ទុ ខណៈទីម័រខាងកើតនៅបាតពូលមាន ០ពិន្ទុ៕