ប្រធានតេក្វាន់ដូ ITF ពេញចិត្តការប្រកួតជើងឯកថ្នាក់ជាតិ និងសរសើរសមត្ថភាពកុមារតូចៗ

2019-12-01 09:34:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានសហព័ន្ធតេក្វាន់ដូ ITF ពេញចិត្តចំពោះការប្រកួតថ្នាក់ជាតិ២០១៩នេះ ដែលទើបតែបញ្ចប់ថ្ងៃមិញព្រោះសមត្ថភាពចាញ់ឈ្នះគ្នាបន្តិចបន្តួចប៉ុណ្ណោះ ខណៈមានកុមារតូចៗបង្ហាញសមត្ថភាពក្នុងពិធីបិទការប្រកួតបានយ៉ាងល្អ។

សកម្មភាពប្រកួតថ្ងៃមិញ

ឯកឧត្ដម កែវ រ៉េមី ប្រធានសហព័ន្ធខាងលើនេះបានឲ្យដឹងថា តាមរយៈការប្រកួតប៉ុន្មានថ្ងៃនេះ រួមនិងការប្រកួតវគ្គផ្ដាច់ព្រ័ត្រថ្ងៃមិញ សង្កេតឃើញថាក្រុមកីឡាករ កីឡាការិនី ITF មានសមត្ថភាពប្រកួតប្រជែងគ្នាល្អ ប្រហាក់ប្រហែលគ្នា ចាញ់ឈ្នះលើសគ្នាបន្តិចបន្តួចនោះទេ។

ប្រធានសហព័ន្ធរូបនេះបន្តថា មិនថាអ្នកដែលចាញ់ ឬឈ្នះនោះទេម្នាក់ៗត្រូវពង្រឹងសមត្ថភាពបង្កើនការហ្វឹកហាត់ឲ្យខ្លាំងបន្តទៀតដើម្បីពង្រឹងសមត្ថភាពឈានទៅរកជ័យជម្នះលើការប្រកួតក្រោយៗទៀត។ រឹតតែមិនអាចភ្លេចទៀតនោះគឺកម្មវិធីធំៗនៅពេលខាងមុខដូចជាការប្រកួតជើងឯកអាស៊ីអាគ្នេយ៍ និងការសម្ដែងក្នុងព្រឹត្តិការណ៍កីឡាជាតិជាដើម។

ពិធីបិទការប្រកួត

រំលឹកដែរថា សហព័ន្ធកីឡាតេក្វាន់ដូ ITF កម្ពុជាធ្វើការប្រកួតជើងឯកថ្នាក់ជាតិរបស់ខ្លួនរយៈពេល៤ថ្ងៃចាប់ពីថ្ងៃទី២៨ វិច្ឆិកា ដល់ទី១ ខែធ្នូ ២០១៩ នៅអគារមជ្ឈមណ្ឌលហ្វឹកហ្វឺនកីឡាក្នុងពហុកីឡដ្ឋានជាតិ៕

អត្ថបទ៖ នួន ស៊ីណា