លាក់ទុកច្រើនឆ្នាំ! ទីបំផុត NASA បញ្ចេញរ៉ុកកែតសម្រាប់បញ្ជូនមនុស្សទៅភពព្រះចន្ទហើយ

2019-12-11 08:16:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អង្គការ NASA កាលពីចុងសប្តាហ៍បានធ្វើការបង្ហាញនូវគ្រាប់រ៉ុកកែតដ៏មានថាមពលខ្លាំងមួយ (SLS) ដើម្បីត្រៀមបញ្ជូនមនុស្សទៅកាន់ភពព្រះចន្ទនៅប៉ុន្មានឆ្នាំខាងមុខនេះ។ វាត្រូវបានផ្គុំរួចរាល់ហើយ សម្រាប់ការធ្វើតេស្តសាកល្បង។

គម្រោង SLS ត្រូវបានពន្យារពេល និងទុកចោលអស់រយៈពេលជាច្រើនឆ្នាំ ដោយសារតែបញ្ហាថវិកា ពោលគឺត្រូវចំណាយប្រមាណ ១៧ពាន់លានដុល្លារ ក្នុងការអភិវឌ្ឍ។

លោក Jim Bridenstine ប្រធានអង្គការ NASA បានលាតត្រដាងថា ប្រព័ន្ធរ៉ុកកែតថ្មីនេះ ពេលបាញ់បង្ហោះម្តងត្រូវចំណាយដល់ ៨០០លានដុល្លារឯណោះ ហើយបើបញ្ជាទិញវិញគឺ១គ្រឿងមានតម្លៃ ១,៦ពាន់លានដុល្លារ។

គ្រាប់រ៉ុកកែតនឹងត្រូវបាញ់បង្ហោះដោយនាំយកយានអវកាស Orion (យានដឹកមនុស្ស) និងយានដឹកទំនិញ ទៅកាន់ភពព្រះចន្ទ នៅឆ្នាំ២០២៤ ។

លោក Jim Bridenstine លើកឡើងថា «វាចំណាយពេលយូរក្នុងការអភិវឌ្ឍ ហើយជាការពិតអ្នកបង់ពន្ធអាមេរិក បានវិនិយោគយ៉ាងច្រើនទៅលើវា ប៉ុន្តែនេះគឺជាគន្លឹះដ៏សំខាន់មួយសម្រាប់អាមេរិក ជាអ្នកនាំមុខអវកាស ហើយនោះជាអ្វីដែលយើងមានបំណងធ្វើ»៕

ប្រភព៖ CNN ប្រែសម្រួល៖ សំភី