អ្នក​ដឹកនាំ​រឿង "Titanic" ប្រាប់​មូលហេតុ​ដែល​តម្រូវ​ឲ្យ​តួ Jack ស្លាប់​

  • 2019-12-12 07:58:27
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ដើម្បី​ស្រាយ​ចម្ងល់​របស់​ទស្សនិកជន​ក្នុងរឿងកប៉ាល់ Titanic ​ដែល​តួអង្គJack ត្រូវ​ស្លាប់​បើ​បន្ទះ​ក្ដារ​ដែល​ Rose តោង​នោះ​ អ្នក​ដឹក​នាំ​រឿងលោក​ James Cameron  បាន​និយាយ​ថា៖ "រឿង​​នេះ​នឹង​ប្រែ​ជា​គ្មាន​ន័យ​បើ​សិន​ជា​លោក​ទុក​ឲ្យ​តួអង្គ Jack នៅ​រស់​រាន​មាន​ជីវិត​នោះ”។

លោក​បាន​បន្ថែម​ទៀត​ថា៖ "រឿង​នេះ​គឺ​និពន្ធ​ឡើង​ក្នុង​គោល​បំណង​ និយាយ​ពី​ការ​ស្លាប់​នឹង​ការ​បែក​បាក់ អ៊ីចឹង​ហើយ​បាន​ជា​​តួអង្គ​ប្រុស​ត្រូវ​តែ​ស្លាប់។ បើ​ទោះ​បី​ជា​ Jack​ ត្រូវ​ស្លាប់​ដោយ​របៀប​នេះ ឬ​ក៏​ស្លាប់​ដោយ​សារ​បំពង់​ផ្សែង​របស់​កប៉ាល់​ធ្លាក់​សង្កត់​លើ​ក៏​ដោយ​ លោក​នៅ​តែ​ត្រូវ​លិច​ចុះ​ទៅ​បាត​សមុទ្រ​ដដែល។ ទាំង​នេះ​គឺ​ហៅ​ថា​សិល្បៈ ហើយ​អ្វី​ៗ​ទាំង​អស់​គឺ​ជា​ហេតុ​ផល​​ និង​ភាព​បត់បែន​របស់​សិល្បៈ មិន​មែន​សម្រាប់​​ហេតុផល​​រូបសាស្ត្រ​នោះ​ទេ"។

រឿង​ Titanic នេះ​ត្រូវ​បាន​ចាក់​បញ្ចាំង​ជា​ផ្លូវ​ការ​នៅ​ថ្ងៃ​ទី ១៩ ខែ​ធ្នូ​ឆ្នាំ ១៩៩៧ ហើយ​ទទួល​បាន​ការ​គាំ​ទ្រ​ពី​ទស្សនិកជន​គ្រប់​បណ្ដា​ប្រទេស​ជុំវិញ​ពិភពលោក​រហូត​មក​ដល់​សព្វ​ថ្ងៃ​នេះ៕

ប្រភព៖ Nova 919 ប្រែសម្រួល៖ អន សុភក្ត្រា

;