ក្រសួង​ពីរ នឹងផ្តល់ក្របខណ្ឌចំនួនជាង ៤ពាន់​នាក់​នៅ​ឆ្នាំ ២០២០

  • 2019-12-16 04:43:05
  • ចំនួនមតិ 0 | ចំនួនចែករំលែក 0

ចន្លោះមិនឃើញ


សម្តេច ហ៊ុន សែន នាយករដ្ឋមន្ត្រីនៃកម្ពុជា បាន​ប្រកាស​ផ្ដល់​ក្របខ​ណ្ឌ​ដល់​ក្រសួង​ពីរ​សម្រាប់​ឆ្នាំ​២០២០ គឺ​ក្រសួងអប់​រំយុវជន និងកីឡា ចំនួន ៣ ៦០០នាក់ និង ក្រសួងសុខាភិបាល ចំនួន ១ ៣០០​នាក់ ។ ការ​ថ្លៃ​នេះ​ធ្វើ​ឡើង នៅ​ក្នុង​ឱកាសអញ្ជើញផ្តល់កិត្តិយសប្រគល់សញ្ញាបត្រដល់និស្សិត នៃ​សាកល​វិទ្យាល័យ​វិទ្យា​សាស្រ្ត​សុខា​ភិបាល ចំនួន ២ ៥៨៨ នាក់ នៅកោះពេជ្យ នៅ​ថ្ងៃ​ទី ១៦ ធ្នូ ២០១៩។

រូបភាព៖ ហ្វេសបុក សម្ដេច ហ៊ុន សែន

ក្របខណ្ឌដែលត្រៀមនឹងផ្តល់ជូនក្រសួងទាំង ២ខាងលើនេះ គឺ​ដោយ​សារ​កំណើ​នៃ​សិស្សានុសិស្ស​ដែល​កើន​ឡើង​ជារៀងរាល់ឆ្នាំ ហើយទន្ទឹមនឹងនោះដែរ ក៏​មាន​មន្រ្តី​ចាស់ៗ​មួយ​ចំនួន​ត្រូវ​បាន​ចូល​និវត្តន៍ ដែល​តម្រូវ​ឲ្យ​មាន​ការ​ជ្រើរើសបុគ្គលិកមន្រ្តីរាជការបន្ថែម ហើយ​នេះ​ក៏​ដូច​គ្នា​នឹង​វិស័យ​សុខាភិបាល​ផង​ដែរ ដែលរាជរដ្ឋាភិបាលត្រូវបង្កើនទាំងអគារពេទ្យ និង​ធនធាន​គ្រូពេទ្យ​ឲ្យ​កាន់​តែ​ច្រើន​ឡើង ដើម្បីបម្រើសេចក្តីត្រូវការរបស់ប្រជាពលរដ្ឋចាប់តាំងពីទីក្រុងរហូតដល់ជនបទ៕

អត្ថបទ៖ ម៉េងងី

;