ជើង​ខ្លាំង​មក​ពី​ភ្នំ​សៅលីញ នឹង​ចូលប្រកួត​ជា​មួយ​គុន​ល្បុក្កតោ​ខ្មែរលើកដំបូង ក្នុង​ពិធី​បុណ្យ​សមុទ្រ​

  • 2019-12-20 04:14:03
  • ចំនួនមតិ 0 | ចំនួនចែករំលែក 0

ចន្លោះមិនឃើញ


គណៈកម្មការអន្តរក្រសួងរៀបចំពិធីបុណ្យ និង​ អនុគណៈ​កម្មការ​សកម្មភាព​កីឡា​សម្រាប់​ពិធី​បុណ្យ​សមុទ្រ បានអញ្ជើញក្រុមកីឡាករគុនសៅលីញ​មក​ពីភ្នំសៅលីញ ប្រទេសចិន ឱ្យ​ចូល​រួម​ប្រកួត​ជា​មួយ​ក្រុម​កីឡាករ​គុនល្បុក្កតោ ដែលជាគុនបុរាណខ្មែរដ៏ល្បីល្បាញ។

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និង​ជា​ប្រធាន​អនុគណៈកម្ម​ការ​សកម្មភាព​កីឡា សម្រាប់ពិធីបុណ្យសមុទ្រនៅខេត្តកំពត បានឱ្យដឹងថា លោក​បាន​ទៅ​ដល់​ភ្នំ​សៅ​លីញ ប្រទេស​ចិន​ផ្ទាល់ ដោយ​បានជួបពិភាក្សាជាមួយ​ឧត្តមគ្រូ (Grand Master) នៃ​ក្បាច់​គុន​សៅ​លីញ​ផ្ទាល់ដើម្បីអញ្ជើញក្រុមកីឡាករ​គុន​សៅ​លីញ​ឱ្យ​មកចូលរួមប្រកួតកីឡាគុន ក្នុង​ពិធី​បុណ្យ​សមុទ្រ​នៅប្រទេសកម្ពុជា ហើយ​ឧត្តម​គ្រូ​រូប​នោះ​ក៏​បាន​ទទួល​យល់​ព្រម​ជាមួយ​សំណើ​នេះ​យ៉ាង​ពេញ​ចិត្ត។

បើតាម​លោក វ៉ាត់ ចំរើន ឧត្តម​គ្រូគុនសៅលីញបានសម្រេចចូលរួមប្រកួតជាមួយកម្ពុជា និង​ដឹក​នាំ​កីឡាករ​ចំនួន ៤នាក់​ទៀត មក​ចូលរួមក្នុងពិធីបុណ្យសមុទ្រនៅខេត្តកំពត ដោយ​លោក​មាន​ការ​ត្រេកអរ​យ៉ាងខ្លាំង ព្រោះ​នេះ​ជា​លើក​ដំបូង​ហើយ​ដែល​ក្រុម​កីឡាករ​គុន​សៅ​លីញ​ចេញ​មក​ប្រកួត​នៅ​ប្រទេស​កម្ពុជា៕

អត្ថបទ៖ ម៉េងងី

អត្ថបទថ្មី
;