ប្រកួតជើងឯកថ្នាក់ជាតិគុនល្បុក្កតោ ជាការត្រៀមខ្លួនឆ្ពោះទៅស៊ីហ្គេម ២០២៣

2019-12-28 15:35:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រកួតជ្រើសរើសជើងឯកថ្នាក់ជាតិគុនល្បុក្កតោ ២០១៩ នេះប្រធានសហព័ន្ធចាត់ទុកថាជាការត្រៀមខ្លួនបណ្ដើរៗឆ្ពោះទៅស៊ីហ្គេម ២០១៩ នៅពេលកម្ពុជាធ្វើជាម្ចាស់ផ្ទះ។

ទេសរដ្ឋមន្ត្រី ច័ន្ទ សារុន

ប្រធានសហព័ន្ធគុនល្បុក្តតោ ទេសរដ្ឋមន្ត្រី ច័ន្ទ សារុន បានឲ្យដឹងថា ដើម្បីជាការត្រៀមខ្លួនឲ្យបានល្អផងនោះ ការប្រកួតជើងឯកថ្នាក់ជាតិនេះក៏រាប់បញ្ចូលជាការហ្វឹកហាត់ ឬស្វែងរកធនធានសម្រាប់ស៊ីហ្គេម ឆ្នាំ ២០២៣ ផងដែរ។

ទេសរដ្ឋមន្ត្រីខាងលើនេះបន្ថែមទៀតថា សហព័ន្ធសព្វថ្ងៃកំពុងធ្វើលើកិច្ចធំៗចំនួនពីរ គឺអភិវឌ្ឍន៍ និងអភិរក្សវិស័យកីឡាប្រពៃណីមួយនេះ និងជាយុទ្ធសាស្ត្រស្នូលនៃការប្រមូលព្រឹទ្ធាចារ្យគុន និងអ្នកចេះគុននៅតាមតំបន់នានា ចូលរួមសហការគ្នាផ្ទេរចំណេះដឹងដល់អ្នកជំនាន់ក្រោយដើម្បីឲ្យមាននិរន្តរភាពនៃក្បាច់គុននេះរហូតទៅ។

ទិដ្ឋភាពប្រកួត

ការប្រកួតជ្រើសរើសជើងឯកថ្នាក់ជាតិ ឆ្នាំ ២០១៩ នេះធ្វើឡើងរយៈពេល៣ថ្ងៃចាប់ពីថ្ងៃទី២៧ ដល់ ២៩ ខែធ្នូ។ ចំពោះទីកន្លែងប្រកួតគឺធ្វើឡើងនៅឯសាកលវិទ្យាល័យភូមិន្ទភ្នំពេញ៕

អត្ថបទ៖ នួន ស៊ីណា