Zlatan Ibrahimović បានបង្ហោះរូបភាពមួយសន្លឹកនៅលើគណនីផ្លូវការរបស់ខ្លួនថារូបគេ ត្រឡប់ទៅលេងឲ្យក្លឹប AC Milan វិញ ដែលជាអតីតក្លឹបរបស់កីឡាករស៊ុយអ៊ែតរូបនេះ។ ក្រៅពីអ្នកគាំទ្រអបអរសាទរការត្រឡប់វិញ មិនត្រឹមតែប៉ុណ្ណោះសូម្បី Admin ក្លឹបក៏ចូលទៅអបអរសាទរផងដែរ។

យោងតាមប្រភពពីសារព័តមានកីឡាល្បីៗ បានឲ្យដឹងថា កីឡាករចាស់វស្សារូបនេះនឹងបង្ហាញខ្លួនផ្លូវការនៅក្លឹបថ្ងៃទី ៣ ខែមករាខាងមុខនេះដោយចុះកុងត្រារយៈពេល ៦ ខែជាមួយនឹងតម្លៃ ៣,៩ លានដុល្លារនិងកិច្ចសន្យាបន្តដល់ ១ ឆ្នាំ។

Zlatan Ibrahimović លេងឲ្យ AC Milan អំឡុងឆ្នាំ ២០១០-២០១២ ចូលលេងបាន ៨៥ ប្រកួតរកបាន ៥៦ គ្រាប់ជួយឲ្យក្លឹបឈ្នះពានលីគជាលើកទី ១៨ និងជាលើកចុងក្រោយបំផុតផងដែរ(គិតមកដល់រដូវកាលនេះ)។

ទស្សនាវីដេអូ Milan អបអរគ្រាប់បាល់កាលពី Zlatan អំឡុងឆ្នាំ ២០១០-២០១២៖