AFC U23៖ ថៃ ត្រូវការត្រឹមស្មើអ៊ីរ៉ាក់យប់នេះ នឹងមានឱកាសឡើងទៅវគ្គ៨ក្រុមសឹងតែ ១០០ភាគរយ

  • 2020-01-14 02:52:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ថៃ នឹង​ប្រកួត​ទល់នឹង អ៊ីរ៉ាក់ នៅជុំចុងក្រោយពូល A នៃពានរង្វាន់ AFC U23 Championship 2020 នាម៉ោង ៨:១៥នាទីយប់នេះហើយ ខណៈមួយគូទៀតនៃពូលនេះគឺ អូស្ត្រាលី ប្រកួតទល់នឹងបារ៉ែន។

គិតត្រឹមជុំទី២ អូស្ត្រាលី​ឈរលេខ១ មាន ៤ពិន្ទុ, ថៃ លេខ២ មាន​៣ពិន្ទុ (គ្រាប់ចំណេញ៤គ្រាប់), អ៊ីរ៉ាក់លេខ៣ មាន២ពិន្ទុ និង​បារ៉ែន លេខ៤ មាន​១ពិន្ទុ (របូតគ្រាប់បាល់ ៥គ្រាប់)។

ដូច្នេះ ក្នុងការប្រកួតយប់នេះ ថៃ ត្រូវការត្រឹមតែស្មើអ៊ីរ៉ាក់ នឹង​មានឱកាស​សឹងតែ ១០០ភាគរយទៅហើយ ឡើងទៅវគ្គ ៨ក្រុមចុងក្រោយ។ ក្នុងករណីនេះ ទោះបីជាបារ៉ែន ឈ្នះអូស្ត្រាលី មាន ៤ពិន្ទុ​ស្មើថៃ ក៏ដោយ ប៉ុន្តែនៅចាញ់គ្រាប់បាល់របស់ថៃច្រើនណាស់ ពោលគឺលុះត្រាតែបារ៉ែន អាចស៊ុតចូលអូស្ត្រាលីចាប់ពី៩គ្រាប់ឡើងទៅ៕

អត្ថបទ៖ សំភី

;