ខ្សែប្រយុទ្ធអ៊ុយរ៉ាហ្គាយ Edinson Cavani បានសុំខ្លួនចាកចេញពីក្លឹប នេះបើតាមការបង្ហើបឲ្យដឹងពីសំណាក់លោក Leonardo ដែលជានាយកផ្នែកកីឡាប្រចាំក្លឹប PSG។ លោកមិនបានឃាត់ឃាំងអ្វីឡើយ ចង់សំណូមពរឲ្យរូបគេស្នាក់នៅបន្ត តែគេអ្នកសុំទៅហើយ។

លោកបន្ថែមទៀតថា អំឡុងទីផ្សារដោះដូរកីឡាករខែមករា កើតមានពាក្យចចាមអារាមជាច្រើន ថាក្លឹបនៅអេស្ប៉ាញ Atletico madrid ហ៊ានចាយលុយនិងយកកីឡាកររូបនេះឲ្យខានតែបាន។ ថ្មីៗនេះមាន Spur ក៏ចូលខ្លួនមកចរចារផងដែរ។ អ្វីដែលភ្ញាក់ផ្អើលនោះក្លឹប Inter Miami នៅអាមេរិករបស់អតីតកីឡាករ PSG គឺ David Beckham ថាបានចុះកិច្ចព្រមព្រៀង​រួចរាល់បាត់ទៅហើយ។ យ៉ាងណា គ្រប់យ៉ាងនៅមិនទាន់កើតឡើងនៅឡើយទេ ដូចនេះរង់ចាំមើលបន្តិចសិន៕

​