ប្រធានាធិបតី​ហ្វីលីពីន លោក Rodrigo Duterte បាន​ចេញ​បញ្ជា​កាលពីថ្ងៃទី២៩ ខែមករា ឆ្នាំ​២០២០ ហាមឃាត់​សមាជិកគណៈរដ្ឋមន្រ្តីរបស់លោក ពីការ​ធ្វើដំណើរ​ទៅសហរដ្ឋអាមេរិក។

លោក​បាន​ថ្លែងប្រាប់​អ្នកកាសែត​បន្ទាប់ពីចប់ពិធីរំលឹកខួបមួយ​យ៉ាងដូច្នេះ៖ «ខ្ញុំ​នឹង​មិនអនុញ្ញាតឱ្យ​សមាជិកគណៈរដ្ឋមន្រ្តីណាម្នាក់ ទៅកាន់អាមេរិកឡើយនៅពេលនេះ»។

លោក​បាន​បញ្ជាក់​ថា ការ​ចេញបទបញ្ជាហាមឃាត់នេះ គឺបន្ទាប់ពី​អាមេរិក បដិសេធមិនឱ្យលោក Ronaldo dela Rosa ដែល​ជាអតីតមេប៉ូលិសហ្វីលីពីន (បច្ចុប្បន្នសមាជិកព្រឹទ្ធសភា) និង​ជា​អ្នកនៅពីក្រោយខ្នងនៃយុទ្ធនាការបង្ក្រាបគ្រឿងញៀនរបស់លោក Duterte ចូលទឹកដី​ខ្លួនឡើយ។ ក្រៅពីនេះ ព្រឹទ្ធសភា​អាមេរិក ក៏បានអនុម័តច្បាប់មួយ​ដែលនាំទៅដល់​ការដាក់ទណ្ឌកម្ម​ប្រឆាំង​នឹង​មន្រ្តី​ហ្វីលីពីន ដែលពាក់ព័ន្ធនឹងការសម្លាប់​ក្រៅប្រព័ន្ធផងដែរ៕