Edinson Cavani បានស៊ុតចូល ១ គ្រាប់បន្ថែមទៀត ដែលជាគ្រាប់ទី ២០០ របស់ខ្លួនឲ្យក្លឹប Paris Saint Germain និងបានក្លាយជាកិឡាករទី ១ ដែលធ្វើបានបែបនេះក្រោយបង្ហាញខ្លួនត្រឹមតែ ២៩៨ ប្រកួតប៉ុណ្ណោះ។ ចំណែកនៅជម្រើសជាតិអ៊ុយរុយហ្គាយ រូបគេរកបាន ៥០ គ្រាប់ហើយ។

នៅពានរង្វាន់លីគកំពូលបារាំងសប្ដាហ៍ទី ២៦ PSG ប៉ះនឹង ក្រុម Bordeaux បញ្ចប់ទៅដោយលទ្ធផល ៤-៣ ។ ក្នុងនោះ Cavani ស៊ុតតាំងពីនាទី ២៥ និងគ្រាប់វាយបកយកឈ្នះដោយ Kylian Mbappe ។ ក្លឹបជើងឯកលីគបារាំង ក៏បានរចនាអាវថ្មី "Stay Strong China ក្នុងន័យលើកទឹកចិត្តប្រជាជនចិនកំពុងជួបវិបត្តិ មានអ្នកស្លាប់សឹងរាល់ថ្ងៃ ដែលវាជាប្រភេទជម្ញឺរាតត្បាតហើយក៏បានធ្លាយដល់ទឹកដីអឺរ៉ុបរួចហើយ។

PSG បច្ចុប្បន្នឈរលេខ ១ មាន ៦៥ ពិន្ទុឯក្រុមលេខ ២ Marseille មាន ៥២ ពិន្ទុ៕