ជារៀងរាល់ឆ្នាំ ប្រទេសថៃ តែងតែទទួលស្វាគមន៍ធ្វើជាម្ចាស់ផ្ទះកម្មវិធីប្រណាំងម៉ូតូលំដាប់ពិភពលោក MotorGP ក៏ប៉ុន្តែដោយសារឆ្នាំនេះ ថៃ ក៏ដូចជាបណ្ដាប្រទេសនានាកំពុងក្រពុលមុខនឹងការដោះស្រាយបញ្ហាផ្ទុះវីរុសកូរ៉ូណា បានលើកពេលកម្មវិធីប្រកួត។

យោងតាមប្រភពព័ត៌មានផ្លូវការគឺ Thai GP ដែលធ្វើនៅទីលាន Buriram នៅថ្ងៃទី ២២ ខែមីនាឆ្នាំ ២០២០ ខាងមុខនេះមិនបានកើតឡើងទេ ម្យ៉ាងថ្ងៃខែនៃការប្រកួតនៅឆ្នាំនេះមិនទាន់ច្បាស់ថាប្តូរទៅខែណានោះទេ។ សេចក្តីប្រកាសនេះធ្វើឡើងភ្លាមៗក្រោយមានករណីឆ្លងវីរុសកូរ៉ូណាសរុបចំនួន ៤៣ ករណីមកហើយត្រឹមថ្ងៃទី ៣ ខែមីនានឹងមានបុរសម្នាក់បានស្លាប់។

ដោយឡែករដូវកាល ២០២០ នេះទីលានដែលនឹងបើកឆាកមុនគេគឺនៅ QatarGP ប្រទេសកាតា ដូចរាល់ឆ្នាំដែលមានក្របខណ្ឌការប្រណាំង Moto2™, Moto3™ និង MotorGP ចាប់ប្រណាំងពីថ្ងៃទី ៦ ដល់ ៨ ខែមីនាឆ្នាំ ២០២០។

សូមជម្រាបជូនដែរថា Marc Marquze ជាម្ចាស់ពានឆ្នាំ ២០១៩ ដែលជាជើងឯកលើកទី ៨ ក្នុងអាជីពរបស់ខ្លួនក្រោយឈ្នះកីឡាករ​បារាំងវ័យក្មេងបំផុត Fabio Quartararo របស់ Yamaha នៅទីលានបុរីរម្យនោះតែម្តង៕