អ៊ីរ៉ង់ បាន​សម្រេច​ដោះលែងអ្នកទោស​ ៥ម៉ឺន ៤ពាន់នាក់ ជាបណ្តោះអាសន្ន ដើម្បីទប់ស្កាត់​ការរីករាលដាលនៃវីរុសកូរ៉ូណាថ្មី COVID-19។

អ៊ីរ៉ង់ មាន​អ្នកឆ្លងជំងឺនេះ ដល់ចំនួន ២៩២២នាក់ ក្នុងនោះ អ្នកស្លាប់ដល់ ៩២នាក់ ដែលជាចំនួនស្លាប់​ច្រើនបំផុត​បន្ទាប់ពីចិន។ មន្រ្តីរដ្ឋាភិបាល និង​សមាជិកសភាអ៊ីរ៉ង់ ក៏បានឆ្លងជំងឺនេះ​ជាច្រើននាក់ផងដែរ។

ដើម្បី​បញ្ឈប់​ការីករាលនៃជំងឺនេះ រដ្ឋាភិបាល​អ៊ីរ៉ង់ បានជ្រើសរើសការកាត់បន្ថយ​នូវការរស់នៅជាក្រុមរបស់​អ្នកទោស ពោលគឺ​ដោះលែងអ្នកទោសជាបណ្តោះអាសន្ន​សិន។ ក្នុងនោះ ទណ្ឌិតម្នាក់ ត្រូវអនុញ្ញាតឱ្យចេញក្រៅបាន លុះត្រាតែធ្វើតេស្តរកមិនឃើញមានកូរ៉ូណា ហើយ​បាន​បង់ប្រាក់ធានា។

យ៉ាងណាមិញ ទណ្ឌិត​ដែលត្រូវបានកាត់ទោស​ឱ្យជាប់ពន្ធនាគារ​លើសពី៥ឆ្នាំ មិនត្រូវបាន​អនុញ្ញាតឱ្យចេញឡើយ៕