តើ ព្រាប សុវត្ថិ ឆ្លើយតបយ៉ាងណាចំពោះបណ្ដឹងពីអ្នករស់នៅក្បែរខាង?

2020-03-05 04:36:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កំពូលតារាចម្រៀងប្រចាំផលិតកម្មរស្មី ហង្ស មាស លោក ព្រាប សុវត្ថិ ភ្ញាក់ផ្អើលនឹងសកម្មភាពតវ៉ារបស់ពលរដ្ឋរស់នៅក្បែរខាងគ្នាប្រឆាំងនឹងរូបលោករឿងបង្កឲ្យមានសំឡេងរំខាន និងចតឡានគ្មានសណ្ដាប់ធ្នាប់ ស្របពេលដែលរូបលោកមានបេសកកម្មនៅខេត្តមណ្ឌលគីរី។

លោក ព្រាប សុវត្ថិ និយាយថា កន្លងទៅមានពលរដ្ឋតែ១គ្រួសារ រស់នៅទល់មុខផ្ទះគ្នាប៉ុណ្ណោះដែលអន់ចិត្តចំពោះការចតឡាន និងសំឡេងរំខានខ្លះពីរោងជាងឈើ តែមិនពាក់ព័ន្ធដល់ពលរដ្ឋក្នុងភូមិរហូតដល់៧០គ្រួសារនោះទេ។ លោកថា ការរស់នៅប្រចាំថ្ងៃតែងតែមានការខុសឆ្គងខ្លះ តែក៏គ្មានរឿងអ្វីដែលមិនអាចនិយាយគ្នាបានដែរ ហើយលោកក៏ជាមនុស្សអាចនិយាយគ្នាបានគ្រប់ពេល មិនគួរមានរឿងទេ។

លោក ព្រាប សុវត្ថិ៖"បងកំពុងធ្វើដំណើរតាមផ្លូវចេញពីខេត្ត...បងក៏មិនទាន់ដឹងច្បាស់ពីមូលហេតុដែលនាំឲ្យមានការតវ៉ានោះដែរ តែទៅវិញបងនឹងសិក្សាឲ្យបានជ្រៅជាងនេះ ហើយបងរីករាយនឹងដោះស្រាយជាមួយពលរដ្ឋគ្រប់ពេល។ បើបងខុសបងកែប្រែ"។

យោងតាមការចុះផ្សាយរបស់សារព័ត៌មានក្នុងស្រុកកាលពីរសៀលថ្ងៃទី៤ ខែមីនា ឲ្យដឹងថា អ្នកភូមិច្រេស សង្កាត់គោកឃ្លាងជាង៧០គ្រួសារ បានផ្ទុះការតវ៉ានៅមុខសាលាខណ្ឌសែនសុខ ដោយស្នើសុំឲ្យអាជ្ញាធរពាក់ព័ន្ធជួយដោះស្រាយបញ្ហាចំនួន៤ចំណុចដែលពួកគាត់ចោទថាបង្កឡើងដោយលោក ព្រាប សុវត្ថិ។