ក្រសួងសុខាភិបាលឡាវ និយាយយ៉ាងណាខ្លះ ពេលប្រទេសខ្លួនមិនទាន់មានកូរ៉ូណា?
- 2020-03-06 08:33:23
- ចំនួនមតិ 0 | ចំនួនចែករំលែក 0
ក្រសួងសុខាភិបាលឡាវ និយាយយ៉ាងណាខ្លះ ពេលប្រទេសខ្លួនមិនទាន់មានកូរ៉ូណា?
ចន្លោះមិនឃើញ
អនុរដ្ឋមន្រ្តីក្រសួងសុខាភិបាលឡាវ លោក Phouthone Muongpak បានប្រាប់ទៅអ្នកការទូត ក្នុងកិច្ចប្រជុំមួយកាលពីថ្ងៃទី៥ ខែមីនា ឆ្នាំ២០២០ថា ឡាវនៅតែជាប្រទេសដែលមិនទាន់មានករណីឆ្លង COVID-19 នៅឡើយទេ បើទោះបីជាមេរោគនេះ បានរាលដាលដល់ប្រទេសជាច្រើនក្នុងពិភពលោកទៅហើយក្តី។
លោកបានអះអាងថា៖ «យើងមានទំនុកចិត្តលើប្រព័ន្ធត្រួតពិនិត្យរបស់យើង»។ លោកថា ឡាវមានប្រព័ន្ធត្រួតពិនិត្យគ្រប់គ្រាន់ ដែលគ្របដណ្តប់នៅទូទាំងប្រទេស។
កាលពីម្សិលមិញនេះ ឡាវមានករណីសង្ស័យ COVID-19 ចំនួន៥៣នាក់ ប៉ុន្តែក្រោយពេលធ្វើការពិនិត្យ គឺពួកគេមិនមានផ្ទុកមេរោគនេះទេ។
ឡាវជាប្រទេសមួយក្នុងចំណោម៣ប្រទេសអាស៊ាន រួមមាន មីយ៉ាន់ម៉ា និងប្រ៊ុយណេ ដែលពុំទាន់មានករណីឆ្លង COVID-19 នៅឡើយទេ គិតមកដល់ពេលនេះ។
យ៉ាងណាមិញ លោកអនុរដ្ឋមន្រ្តី ក៏បានសារភាពអំពីបញ្ហាប្រឈមខ្លាំងផងដែរ ក្នុងការទប់ស្កាត់វីរុសនេះ ដោយសារតែឡាវ នៅជាប់ព្រំដែនជាមួយប្រទេសចិន ដែលជាចំណុចផ្ទុះជំងឺដ៏កាចសាហាវនេះ ហើយឡាវ ក៏មានពលរដ្ឋចិនច្រើន ដែលជាអ្នករកស៊ី កម្មករ និងទេសចរផងដែរ៕